ଭାବରେ ମୋହିବ କବି
ଭାବରେ ମୋହିବ କବି
ନିର୍ମଳ ଗଗନେ ସୁନେଲିର ଚାନ୍ଦ
ଝଲମଲ ଝଟକୁଛି
ହେମନ୍ତ ଋତୁରେ ଶିଶିରର ବିନ୍ଦୁ
ରୂପା ପରି ଝଟକୁଛି ।
ମନଲୋଭା ଏହି ଦୃଶ୍ୟ ଚିତ୍ରପଟ୍ଟ
ଆଙ୍କୁଛି ହୃଦୟେ ଛବି
ତୁଳୀ ଓ ରଙ୍ଗରେ ସଜାଇଣ ଦେବ
ଭାବରେ ମୋହିବ କବି ।
କବି ହୁଦୟରୁ ଭାଷା ଉଦ୍ଗିରଣ
ଅନର୍ଗଳ ଆସିଯିବ
ସେ ତାକୁ ସଜାଇ ଲେଖନୀ ତୁଳୀରେ
କାଗଜରେ ଫୁଟାଇବ ।
ଜନତା ପଢିବେ ଆଦରରେ ତାକୁ
କେତେ କଥା ବୁଝି ଶିଖି
କବିର ହୃଦୟ ବିମୋହିତ ହେବେ
ଆଖି ରହିଯିବ ଲାଖି ।।
ଅମ୍ବିକା ସ୍ୱାଇଁ