ଶ୍ରାବଣରେ ଶ୍ରାବଣ...
ଶ୍ରାବଣରେ ଶ୍ରାବଣ...
ଶ୍ରାବଣରେ ଶ୍ରାବଣ...
ପ୍ରମିଳା ପତି
ଶ୍ରାବଣରେ ଶ୍ରାବଣ...
ପ୍ରେମ ହୁଏ ଦି’ଗୁଣ...
ତୋ ପରି ସାଥୀଟେ ପାଇ
ମନ ସଙ୍ଗେ ମନକୁ...
ଦେହ ସଙ୍ଗେ ଦେହକୁ
ଯୋଡ଼ିଦେଉ
କାଉଁରୀ ଛୁଆଁଇ... । ୦ ।
ତତେ ଦେଖି ନୀଳକଇଁ... ମରିଯାଏ ଲାଜେ
କଦମ୍ବ କୁଆଁରୀ ଦେହେ... ଶିହରଣ ଜାଗେ
ମନ-ବନହଂସୀ ଖୋଜିବୁଲେ ନୂଆ ଠିକଣା
ଆପଣା ପାଲଟେ ଯିଏ ଥିଲା ଦିନେ ଅଚିହ୍ନା
ଶ୍ରାବଣରେ ଶ୍ରାବଣ... ମତେ କରୁ ଆନମନା
ମନେ ଅକୁହା
କାହାଣୀ ଜଗାଇ... । ୧ ।
ଦେହ-ବନେ ସବୁଜିମା... ତୋ ପରଶ ପାଇ
ହୃଦୟ ଉଛୁଳେ ସତେ... ଜୁଆରିଆ ନଈ
ମତେ ଲାଗେ... ମୁଁ ଏକ ପିଆସୀ ପ୍ରେମିକ
ଭଲଲାଗେ ନୀରବତା... ପାଲଟେ ଭାବୁକ
ଶ୍ରାବଣରେ ଶ୍ରାବଣ...ଏତେ ଖିଆଲି ଏ ମନ
ଚମକଇ ଦେଖି
ନିଜେ ନିଜ ଛାଇ... । ୨ ।
କାଠଯୋଡ଼ି ରୋଡ୍ (ଘାଟକୂଳ ପାଖ)
ମଧୁପାଟଣା, କଟକ-୭୫୩୦୧୦
ଫୋନ୍-୯୭୭୭୧୮୦୯୪୯
*****