ସଢ଼େଇରେ ଭାତ
ସଢ଼େଇରେ ଭାତ
1 min
219
ଭାବିଲି ମୁଁ ଥରେ ଫେରିବାକୁ ମୋର
ଗଲା ସେଇ ପିଲା ଦିନେ
ସେଇ ବାଲି ଘରେ କଣ୍ଢେଇ ସାଥିରେ
ଖେଳିବାକୁ ମନେ ମନେ (1)
ସଢ଼େଇ ରେ ଭାତ ସଢ଼େଇରେ ଡାଲି
ଖାଲି ପାଣି ହୁଏ ଚାହା
ଖାଲି ପାତର ରେ ବାଲି ଭାତ ଡାଲି
ନ ଖାଇ ଲାଗେ ବଢିଆ (2)
ବାଲି ଗଦା କଲି ସଢ଼େଇ ଆଣିଲି
ଭାବିଲି ରାନ୍ଧିବି ଭାତ
ମୋର ଭାତ ଡାଲି ଖାଇବ ବା କିଏ
କିଏ ଅଛି ମୋର ମିତ (3)
ଖୁସିରେ ରାନ୍ଧିବ ନ ଖାଇ ହସିବ
ବୁଝାଇବ ପାଖେ ବସି
ଦୁନିଆଁ ବାଟରେ ଆଜି ସବୁ ଦୂରେ
ଫେରିଲି ମୁଁ ଘରେ ହସି (4)