ବେସୁରା ଗୀତି-୭୨୧
ବେସୁରା ଗୀତି-୭୨୧
1 min
6.8K
ବେସୁରା ଗୀତି-୭୨୧
ବର୍ଷା ଲୋ ତୋର ଶୀତଳ ହାତରେ
ଅମୃତର ଛୁଆଁ ଦେଇ
ପ୍ରଚଣ୍ଡ ରୌଦ୍ରରେ ସିଝି ଯାଇଥିବା
ହୃଦୟକୁ ଦେ ଛୁଇଁ ॥
ତୋ ପ୍ରୀତି ଛୁଆଁରେ କଅଁଳି ଉଠିବ
ଶୁଷ୍କ ଏକ କିଶଳୟ
ନୂଆ ନୂଆ ପତ୍ର ଝଲସି ଉଠିବେ
ହଜିଯିବ ଆଖି ଲୁହ ॥
କପଟ ଛାଡି ତୁ ଛୁଇଁଦେ ଥରେ
ଶୁଖିଲା ପୃଥିବୀ ଛାତି
ତୋହରି ପରଶେ ହଜି ହଜି ଯାଉ
ତୋ ଦେହର ସବୁ ତାତି ॥
ପ୍ରତୀକ୍ଷା କରିଛି ତୋତେ ଲୋ ବରଷା
ଶୁଖି ଯାଇଥିବା ନଈ
ଉଛୁଳି ଉଠିବ ଖୁସିରେ ତା ଦେହ
ଦେଲେ ତାକୁ ଥରେ ଛୁଇଁ ॥
ଶୁଖିଲା ଭୂଇଁରେ ସବୁଜିମା ଭରି
ଦେଏ ଲୋ ବରଷା ରାଣୀ
ଲିଭି ଯାଉ ସବୁ ବେଦନା କଷଣ
ଦେଖି ତୋର ପ୍ରୀତି ଠାଣି ॥