ସୁସ୍ଥ ପରିବେଶ
ସୁସ୍ଥ ପରିବେଶ
ସବୁଜ ସୁନ୍ଦର
ରଖିବା ପରିଷ୍କାର
ଆମ ଘର ଆମ ପରିବେଶ ।
ସୁସ୍ଥ ଅମ୍ଳଜାନ
ଶାନ୍ତ ରହିବ ମନ
ପାଖେ ନପଶିବେ ମଶା ଡାଆଁଶ ॥
ନେଳିଆ ହଳଦିଆ
ଲାଲ ରଙ୍ଗ ଦିଆ
ରଖିବା ତିନୋଟି ଅଳିଆ ବାକସ ।
ବଳକା ଭୋଜନ
ଜରି ପଲିଥିନ
ଅଲଗା ପକାଇବା,
କାଗଜ ପରି ଜନିଷ ॥
ବୃକ୍ଷ ରୋପଣ
ବର୍ଷାର କାରଣ
ପୁଣି ଥଣ୍ଡା ରଖେ ବାୟୁ ମଣ୍ଡଳ ।
ସ୍ଵଚ୍ଛ ଭାରତ
ହେଉ ମଳ ମୁକ୍ତ
ଏଠି ସେଠି ନପଡ଼ୁ ଡବା କି ଖୋଳ ॥
ନହେଉ ଧୂମପାନ
କାଷ୍ଠ ଦହନ
ହ୍ରାସ ହେଉ ଏସବୁ ବ୍ୟବହାର ।
ବଢ଼ିବ କାର୍ବନ
ହେବ ବିଶ୍ଵ ତାପନ
ଦିଶେ ଭବିଷ୍ୟତ ପୁରା ଅନ୍ଧକାର ॥