Audio

Forum

Read

Contests

Language


Write

Sign in
Wohoo!,
Dear user,
ପ୍ରେମ ପୋଥି
ପ୍ରେମ ପୋଥି
★★★★★

© LAXMAN KUMAR BEHERA (ଯତି)

Others

5 Minutes   6.9K    9


Content Ranking


ଅଠର ଶହ

ଏକାବନ ସାଲ

ଥିଲା ମେ ମାସ ଏଗାର,

ହରିହର କୁଳ

ମଣ୍ଡନ କରିଲେ,

ବାସୁଦେବ ନାମେ

ବିଖ୍ୟାତ ହୋଇଲେ ।

ଆନନ୍ଦେ ରାଜ୍ୟ ବିଭୋର •••


ହରିହର ଦେବଙ୍କ

ଏକମାତ୍ର ପୁତ୍ର

ସାହିତ୍ୟିକ ବାସୁଦେବ,

ପଣ୍ଡିତ ସଭାର

ଅନୁମୋଦନରେ,

ଇଂରେଜ ସରକାର

ଆଦେଶାନୁସାରେ ।

ହୋଇଲେ ନରେଶ,

ବାମଣ୍ଡାର ହେଲା ଲାଭ •••


ମାତା ପିତା ପ୍ରଜା

ପଣ୍ଡିତ ସକଳେ

କଲେ ଉଚିତ ବିଚାର,

ଉଦିତ ପ୍ରତାପ

ସିଂହ ଦେବ ରାଜା,

କଳାହାଣ୍ଡି ଗଡେ

ପାଳୁଥିଲେ ପ୍ରଜା ।

ଆନନ୍ଦ ଚିତ୍ତରେ ପ୍ରସ୍ତାବ ପକାଇ

କନ୍ଯା ମାଗିଲେ ବାସୁଦେବ ପାଇଁ

ସତରେ,

ମୁହୂର୍ତ୍ତ ଥିଲା ମଧୁର •••


ରାଜାଙ୍କର ଗେହ୍ଲୀ

ପରାଣ କୁସୁମ

ମଉନାବତୀ ଐଶ୍ବର୍ଯ୍ଯା,

ମଧ୍ଯମା ସୁପୁତ୍ରୀ

ମନୀଷା ସୁନ୍ଦରୀ,

ଗିରିରାଜ କୁମାରୀ

ସୁଶୀଳା ଅପ୍ସରୀ ।

ବିବାହ,

ହେଲେ ବାସୁଦେବ ରାଜା •••


ଅଠର ଶହ

ବାସ୍ତରୀ ମସିହା

ମେ ତ୍ରୟୀ ତାରିଖ ଦିନ,

ପୁତ୍ର ମୁଖ ଦେଖି

ରାଜା ଆନନ୍ଦରେ,

ମିଠା ପରଷିଲେ

ବାମଣ୍ଡା ନଗରେ ।

ରାଣୀ ମନ ହେଲା ଧନ୍ଯ •••


ଖୁସିରେ ପ୍ରଜାଏ

ନାଚିଲେ ନଗରେ

ଭାବି ରାଜା ଭାବି ମନେ,

ପଣ୍ଡିତ ଜ୍ଯୋତିଷ

ବନ୍ଧୁ ପରିଜନ,

ଶ୍ରୀ ସଚ୍ଚିଦାନନ୍ଦ

ବୋଲି ଦେଲେ ନାମ ।

କୁମାର,

ବସିଗଲେ ପ୍ରତି ପ୍ରାଣେ •••


ଏକ ବର୍ଷ ଗତେ

ରାଣୀଙ୍କ ବିୟୋଗ

ପତ୍ନୀ ହରାଇଲେ ରାଜା,

ଶୋକରେ ଡୁବାଇ

ରାଣୀ ଗଲେ ଚାଲି,

ମାତୃ ହରା ଶିଶୁ

ମାତ୍ର ବର୍ଷେ ବୋଲି ।

ଚିତ୍ତେ,

ଚିନ୍ତି ଦୁଃଖ କଲେ ପ୍ରଜା •••


ପତ୍ନୀ ହରାଇଣ

ବିଷାଦରେ ରାଜା

ନୌକାରେ କଲେ ଭ୍ରମଣ,

ସମ୍ବଲପୁରରୁ

ମହାନଦୀ ପଥେ,

କଟକ ପର୍ଯ୍ଯନ୍ତେ

ପ୍ରକୃତି ସଂଗୀତେ ।

' ଚିତ୍ରତ୍ପୋଳା ' ର ଜନମ •••


ଭ୍ରମଣରୁ ଫେରି

ନିସଂଗ ପ୍ରାଣକୁ

ରାଜା କରିଲେ ସୁନ୍ଦର,

ବିବାହ କରିଲେ

ରାଜା ବାସୁଦେବ,

ଦ୍ବିକନ୍ଯା ସମର୍ପି

ଅର୍ଜିଲେ ଗୌରବ ।

ରରୁଆଁର ଜମିଦାର •••


କିଛି ଦିନ ଅନ୍ତେ

ଖରସୁଆଁ (ସିଂହଭୂମି) ମୁଖେ

ଗମନ କଲେ ରାଜନ,

ଠାକୁର ନୀଳମଣି

ବାହାଦୂରଙ୍କର,

ଭାଣଜୀ ରୂପଶ୍ରୀ

ଗୁଣବତୀ ସ୍ଥିର ।

ଦେଖିଣ,

କଲେ ବିବାହ ବନ୍ଧନ •••


ଚାରି ରାଣୀ ଗର୍ଭୁ

ନଅ ପୁତ୍ର ସଂଗେ

ଏଗାରଟି କନ୍ଯା ଲାଭ,

ବଡ ପୁତ୍ର ନାମ

ଶ୍ରୀ ସଚ୍ଚିଦାନନ୍ଦ,

ରୂପ ଗୁଣବନ୍ତ

ଚିତ୍ତ ଶାନ୍ତ ଶୁଦ୍ଧ ।

ଥିଲା ମାତ୍ର,

ବଡ ରାଣୀଙ୍କ ଅଭାବ •••


ସିଂହାସନ ଆରୋହଣ ପର ବର୍ଷ -

ରାଜ୍ୟର ସମସ୍ତ

ଜମିର ଉନ୍ନତି

କଥା ରାଜନ ଚିନ୍ତିଲେ,

କୃଷି ଉପଯୋଗୀ

ସମସ୍ତ ଜମିକୁ,

ତିନି ଭାଗ କଲେ

ଚାଷ ପ୍ରଣାଳୀକୁ ।

କିସମୱାରି,

ରାଜ କର ନିର୍ଦ୍ଧାରିଲେ •••


ଉପଯୁକ୍ତ ନ୍ଯାୟ

ଦେବା ପାଇଁ ରାଜା

ଉତ୍ତମ ବ୍ଯବସ୍ଥା କଲେ,

ମନ୍ତ୍ରୀ - ପରିଷଦ

ବିଦ୍ବାନ - ପଣ୍ଡିତ,

ରାଜ କାର୍ଯ୍ଯ ହିତେ

ସମସ୍ତଙ୍କ ମତ ।

ନେଇ ଶାସନ କରିଲେ •••


କୃଷିର ଉନ୍ନତି

ନିମନ୍ତେ ନରେଶ

କଲେ,

ନୂଆ ନୀତି ପ୍ରଣୟନ,

କୃଷକ ମାନଙ୍କୁ

ଉନ୍ନତ ବିହନ,

ଯୋଗାଇଲେ ରାଜା

ପ୍ରଜା ହେଲେ ଧନ୍ଯ ।

ରହିଲା ନାହିଁ ଦୁର୍ଦ୍ଦିନ •••


ଚାଷ କାର୍ଯ୍ଯ ପାଇଁ

ବିଭିନ୍ନ ସ୍ଥାନରେ

ସେତୁବନ୍ଧ ବନ୍ଧାଇଲେ,

ଉନ୍ନତ ପ୍ରଣାଳୀ

କଲେ ପ୍ରବର୍ତ୍ତନ,

ସୁଖରେ ବିତିଲା

କୃଷକ ଜୀବନ ।

ଆଧୁନିକ,

ସୁବିଧା ସୁଯୋଗ ବଳେ •••


ବଳମ ନିକଟ

କଳାଜିରା ଆଉ

ମତୁଆଳୀ ନାଳ ଠାରେ,

ଆନିକଟ୍ ବସାଇ

ଜଳକୁ ରୋକିଲେ,

ଜଳ ସେଚନର

ସୁବିଧା କରିଲେ ।

ଚାଷୀ ବଢିଲେ ରାଜ୍ଯରେ •••


୨୦୦୦ ଏକର ପରିମିତ ସ୍ଥାନରେ -

ସୁପ୍ରସିଦ୍ଧ କୃଷି

ପ୍ରୟୋଗ ଶାଳାର

ନିର୍ମାଣ କରିଲେ ରାଜା,

ଏକ ଶହ ଛତିଶ୍

ପ୍ରକାରର ଧାନ,

ଅଣାଇ ପରୀକ୍ଷା

କରିଲେ ରାଜନ ।

ଚାଷୀ ଉଡାଇଲେ ଧ୍ବଜା •••


ବିଭିନ୍ନ ପ୍ରକାର

ସାର ପ୍ରୟୋଗର

ଗବେଷଣା କରାଇଲେ,

ରାଜା ବାସୁଦେବ

କଲେ ପ୍ରୋତ୍ସାହିତ,

ବିଦ୍ଯାରତ୍ନ ଯତ୍ନେ

କୃଷି ସଂପର୍କିତ ।

ପୁସ୍ତକ ପ୍ରକାଶ କଲେ •••


ବଳମ ପାହାଡ

ଶୀର୍ଷରେ ସୁଦୃଶ୍ଯ

ବିଶ୍ରାମ ଭବନ ତୋଳି,

ପାଶେ ଦେବାଳୟ

ଶ୍ରୀରାମ ସୀତାଙ୍କ,

ଦେଖି ଜୟ ଗାନ

କରୁଛନ୍ତି ଲୋକ ।

ପ୍ରତି ସୋମବାର,

ବଢେ ଗହଳି ଚହଳି •••


ଅରଣ୍ଯ ବେଷ୍ଟିତ

ପର୍ବତ କଟାଇ

ରାସ୍ତା ନିର୍ମାଣିଲେ ରାଜା,

କୁଚିଣ୍ଡା ନିକଟ

ଭେଡେନ୍ ନଦୀରେ,

ଝୁଲା ପୋଲ କଲେ

ଯାତ୍ରା ସହଜରେ ।

ଆନନ୍ଦେ ନାଚିଲେ ପ୍ରଜା •••


ଜଳନ୍ଧର ଦେବ

ନେତୃତ୍ବ ନେଇଣ

ଝୁଲା ପୋଲ ନିର୍ମାଣିଲେ,

ପୋଲ କାର୍ଯ୍ଯ ବୀର

କଲେ ସଂପାଦନ,

ସହଜ ହୋଇଲା

ଗମନାଗମନ ।

ପ୍ରଜା,

ମଙ୍ଗଳ କାମନା କଲେ •••


ନିଜ ରାଜଧାନୀ

ଦେବଗଡ ଠାରୁ

ବାମରା ପର୍ଯ୍ଯନ୍ତେ ଜାଣ,

ଅଠାବନ୍ ମାଇଲ୍

ରାସ୍ତା ନିର୍ମାଣିଲେ,

ମଟର ଗାଡି

ଚାଲିବା ଯୋଗ୍ୟ କଲେ ।

ରାଜନ ଥିଲେ ମହାନ •••


ବେଙ୍ଗଲ - ନାଗପୁର

ରେଳପଥ ନିଜ

ରାଇଜେ ଯିବାର ପାଇଁ,

ଅନୁମତି ଦେଇ

(୧୮ ମାଇଲ୍) ଦୀର୍ଘ ଜମି ଦେଲେ,

ବିନା ରାଜସ୍ବରେ

ଛାଡୁଛି କହିଲେ ।

ରାଇଜର ହିତ ଚାହିଁ •••


ଏଇ ବାଟ ଦେଇ

ଯେତେ ରେଳଗାଡି

ଯିବ ସମୟ ବାଟରେ,

ସର୍ତ୍ତ ରଖୁ ଅଛି

ପ୍ରଜାଙ୍କର ହିତେ,

ସବୁ ରେଳଗାଡି

ରହିବ ନିଶ୍ଚିତେ ।

ବାମରା ଷ୍ଟେସନ ଠାରେ •••


ରାଜସ୍ବ ସହିତେ

ଜଙ୍ଗଲ ବିଭାଗ

ନୂଆଁ ସୃଷ୍ଟି କଲେ ରାଜ୍ଯେ,

ସ୍ବୟଂ ଉଦ୍ଭାବିତ

ଶାସନ ପ୍ରଣାଳୀ,

ଦେଖି (ଇଂରେଜ) ସରକାର

ଦେଲେ କରତାଳି ।

କହିଲେ,

ସନ୍ତୋଷ ଲଭିଲୁ କାର୍ଯ୍ଯେ •••


କାଉନସିଲ୍ ଶବ୍ଦ

ବ୍ଯବହାର କଲେ

ଦରବାର ପରିବର୍ତ୍ତେ,

ନଅ ଜଣ ସଭ୍ଯ

କରିଲେ ଚୟନ,

ଭଲ ପରାମର୍ଶ

ପାଇଲେ ରାଜନ ।

ପ୍ରଶାସନିକ କ୍ଷେତ୍ରେ •••


ବାମଣ୍ଡା ରାଜ୍ୟର

ଉନ୍ନତି ନିମନ୍ତେ

ତିନି ତହସିଲ୍ ସଂଗେ,

ଆଠ ଗୋଟି ଥାନା

କରିଲେ ପ୍ରତିଷ୍ଠା,

ପ୍ରଜା ହିତେ ସଦା

ରଖିଥିଲେ ନିଷ୍ଠା ।

ରାଜ୍ୟ,

ସଜାଡିଲେ ନାନା ଢଙ୍ଗେ •••


ଆଗରୁ କେବଳ

ଥିଲା ଏକମାତ୍ର

ପ୍ରାଥମିକ ବିଦ୍ୟାଳୟ,

କେମିତି ଜାଳିବି

ଜ୍ଞାନର ଆଲୋକ,

ପ୍ରଜା ମୋର ମୁର୍ଖ

ଅଛନ୍ତି ଅନେକ ।

ଭାବି,

ଅଥୟ ହେଲା ହୃଦୟ •••


ଶିକ୍ଷିତ ସମାଜ

ତୋଳିବା ନିମନ୍ତେ

ରାଜା,

ଦୃଢ କଲେ ନିଜ ମନ,

ଅଠେଇଶ୍ ଗୋଟି

(ପ୍ରାଥମିକ) ବିଦ୍ୟାଳୟ ତୋଳି,

ଉଚ୍ଚ ବିଦ୍ୟାଳୟ

ଦେବଗଡେ ଖୋଲି ।

ଯଶ ରଖିଗଲେ ଜାଣ •••


ବିଦ୍ୟାଳୟ କୋଠା

ନିର୍ମାଣ କରିଲେ

ରାଜ କୁମାର ନାମରେ,

ରାଜା ପ୍ରଜା ଭେଦ

କିଛି ନ ରଖିଲେ,

ଏକ ସଂଙ୍ଗେ ସର୍ବେ

ସୁଶିକ୍ଷା ପାଇଲେ ।

ଶିକ୍ଷିତ ହେଲେ ରାଜ୍ୟରେ •••


ଉଚ୍ଚ ବିଦ୍ୟାଳୟେ

ବଙ୍ଗଳା ଭାଷାର

ଶିକ୍ଷକ କଲେ ନିଯୁକ୍ତ,

ରାଜ୍ୟ ହିତେ,

ଉପଦେଶ ନେଲେ

ଦୁଇ ବନ୍ଧୁଙ୍କର,

ଆଶୁତୋଷ ମୁଖାର୍ଜୀ ଓ

ଈଶ୍ବର ଚନ୍ଦ୍ର ବିଦ୍ଯାସାଗର ।

ମଧୁର ଥିଲା ଅତୀତ •••


କିଛି ବର୍ଷ ଗତେ-

ରାଜା ବାସୁଦେବ

ଉଚ୍ଚ ବିଦ୍ୟାଳୟ

କୋଠା ସଂପୂର୍ଣ୍ଣ ହୋଇଲା,

ସ୍ଥାନାନ୍ତର କରି

ପଢା ଆରମ୍ଭିଲେ,

ଦୂରଦୂରାନ୍ତରୁ

ବିଦ୍ଯାର୍ଥୀ ଆସିଲେ ।

ବାମଣ୍ଡା ଯଶ ବଢିଲା •••


ଆଜି-

ଅତୀତ ହୋଇଛି

ସ୍ମୃତି ପାଲଟିଛି

ରାଜ କୁମାର ବିଦ୍ୟାଳୟ,

ବିଲୀନ ହେଲାଣି

ତା'ର ଯେତେ ଚିହ୍ନ,

ଆଉ ଫେରିବନି

ସେଇ ସବୁ ଦିନ ।

ଭାବି,

ଅଥୟ ହୁଏ ହୃଦୟ •••


ପ୍ରଜାଙ୍କର ସ୍ବାସ୍ଥ୍ୟ

- ରକ୍ଷା ହିଁ ପ୍ରଧାନ

କର୍ତ୍ତବ୍ୟ ଭାବି ମନରେ,

ଗୁଣୀ ଓ ଉତ୍ସାହୀ

ଡାକ୍ତର ଅଣାଇ,

ନିଯୁକ୍ତ କରିଲେ

ପ୍ରଜା ହିତ ଚାହିଁ ।

କୁଚିଣ୍ଡା - ଦେବଗଡ (୧୮୮୩) ରେ •••


ଚିକିତ୍ସା କ୍ଷେତ୍ରରେ

ରାଜାଙ୍କରସେବା

ଶ୍ରେଷ୍ଠ ଅବଦାନ ରାଜ୍ୟେ,

ଡାକତର ଖାନା

ପ୍ରତିଷ୍ଠା କରିଲେ,

ଧନ୍ଯ ଧନ୍ଯ ବୋଲି

ପରଜା କହିଲେ ।

ରାଜା,

ସନ୍ତୋଷ ଲଭିଲେ କାର୍ଯ୍ୟେ •••


ଶ୍ରୀ ଗୌରୀଶଙ୍କର

ରାୟଙ୍କ କଥାରେ

ଅନୁପ୍ରାଣିତ ହୋଇଣ,

କଟକ ସହରେ

ସ୍ଥାପନ କରିଲେ,

' ସୁଢଳ ପ୍ରେସ୍ ' ବୋଲି

ନାମଟି ରଖିଲେ ।

ଆନନ୍ଦିତ ହେଲେ ରାଜନ •••


ସୁଢଳ ପ୍ରେସ୍ ର

ସଂପାଦନା କଲେ

ଚତୁର୍ଭୁଜ ପଟ୍ଟନାୟକ,

ସମାଜ ସଂସ୍କାର

ଉଦେଶ୍ଯ ନେଇଣ,

' ସଂସ୍କାରକ ' ଜନ୍ମ

ଲଭିଲା ସେଦିନ ।

ଚହଟିଲା,

ଭାଷା ସାହିତ୍ୟ ମହକ •••


ଭାବଗ୍ରାହୀ ଦାସଙ୍କ

ସଂପାଦନା ଦ୍ବାରା

ପ୍ରକାଶ,

ପାଇଲା ' ସେବକ ' ପତ୍ରିକା,

ଦୁଇ ପତ୍ରିକାରୁ

ହେଲା ଅର୍ଥ ଲାଭ,

ବାସୁଦେବଙ୍କର

ବଢିଲା ଗୌରବ ।

ସୁଯୋଗ ମିଳିଲା,

ପଢିବାକୁ ଭଲ ଲେଖା •••


ସଂସ୍କାରକର କିଛି

ଆପତ୍ତି ଜନକ

ଲେଖା ବଢାଇଲା ବିବାଦ,

ତେଣୁ,

ସୀତାନାଥ ରାୟଙ୍କୁ

ଏକ ଅଂଶ ଦେଇ,

ଅନ୍ଯ ଏକ ଅଂଶ

ବାମଣ୍ଡା ଅଣାଇ ।

ପୁଣି,

ଶୁଣାଇଲେ ସୁସଂମ୍ବାଦ •••


ବାମଣ୍ଡା ରାଜ୍ୟର

କବି-ସୁଶାସକ

ଓଡିଆ ଉଦ୍ଧାର କର୍ତ୍ତା,

ଭାଷା ସାହିତ୍ୟର

ପ୍ରଚାର ପ୍ରସାର,

ନିମନ୍ତେ ରାଜନ

ମନ କଲେ ସ୍ଥିର ।

ସାଜିଲେ ବାମଣ୍ଡା ମୁକ୍ତା •••


ନିଜ ରାଜଧାନୀ

ଦେବଗଡ ଠାରେ

ବସାଇଲେ ଛାପାଖାନା,

ଜଗନ୍ନାଥ ବଲ୍ଲଭ

ନାମ ଦେଇ ତା'ର,

ସପ୍ତାହକୁ କଲେ

ପତ୍ରିକା ବାହାର ।

ସମ୍ବଲପୁର ହିତୈଷିଣି,

ଭାବେ ହେଲା ଜଣାଶୁଣା •••


ବାମଣ୍ଡା ପ୍ରେସ୍ ର

ସଂପାଦନା କାର୍ଯ୍ଯ

ତୁଲାଇଲେ ବୃନ୍ଦାବନ,

ଭାରି ଖୁସି ହେଲେ

ରାଜା ବାସୁଦେବ,

ରହିଲାନି ଭାଇ

ସ୍ନେହର ଅଭାବ ।

ଆନନ୍ଦେ ବିତିଲା ଦିନ •••


ହିତୈଷିଣିର

ସଂପାଦନା କାର୍ଯ୍ଯ

କଲେ,

ନୀଳମଣି ବିଦ୍ଯାରତ୍ନ,

ନବ ଜନ୍ମ ହେଲା

ଓଡିଆ ଭାଷାର,

ଆକର୍ଷିତ କଲା

ପଣ୍ଡିତ ଅନ୍ତର ।

କବି ସାହିତ୍ୟିକ,

ମିଶି କଲେ ସର୍ବେ ଯତ୍ନ •••


ସ୍ବାଧୀନତା ପରେ

ପ୍ରେସ୍ ର ଦାୟିତ୍ବ

ନେଲେ ଓଡିଶା ସର୍କାର,

ସରକାରୀ ମୁଦ୍ରଣାଳୟ

ରୂପେ ନାମ ଦେଇ,

ଚଳାଉ ଅଛନ୍ତି

ଆଗଭର ହୋଇ ।

ଜାଣି,

ଆନନ୍ଦ ଲଭେ ଅନ୍ତର •••


କଏଦୀ ମାନଙ୍କୁ

ପତ୍ରିକା ମୁଦ୍ରଣ

କାର୍ଯ୍ଯେ ଲିପ୍ତ କଲେ ରାଜା,

ନିଶା ନିବାରଣ

ଆଇନ୍ ଆଣିଣ,

ରାମ ରାଜ୍ୟ ପାଇଁ

ଦେଖିଲେ ସପନ ।

ଆଦେଶ ପାଳିଲେ ପ୍ରଜା •••


କଠୋର ନିୟମ

ରାଇଜେ ରଖିଲେ

କଏଦୀ ମାନଙ୍କ ପାଇଁ,

ସୁକାରା ପଦ୍ଧତି

କଲେ ପ୍ରଚଳନ,

ଶିଳ୍ପ - ବୈଷୟିକ

ପତ୍ରିକା ମୁଦ୍ରଣ

ସୁଶିକ୍ଷା ଦ୍ବାରା - ଭବିଷ୍ଯେ,

ସମାଜେ ଚଳିଲେ

ସୁନାଗରିକ ହୋଇ •••


ଚିକିତ୍ସା ପୁସ୍ତକ (ବିସୂଚିକା ଚିକିତ୍ସା - ନୀଳମଣି ବିଦ୍ଯାରତ୍ନ)

ବିତରଣ କଲେ

ମାଗଣାରେ ରାଜ୍ୟ ସାରା,

(କଏଦୀ ମାନଙ୍କୁ)

ସ୍ବାସ୍ଥ୍ୟ ନିୟମିତ

ପରୀକ୍ଷା କରାଇ,

ଖାଦ୍ୟ ଓ ଔଷଧ

ମାଗଣାରେ ଦେଇ ।

ବଜାୟ ରଖିଲେ ଧାରା •••


ରାଜା,

ବାହାର ରାଜ୍ୟରୁ

କାରିଗର ଆଣି

ବୁଣିବା ତାଲିମ୍ ଦେଲେ,

ଲୁଗା - କଉଟିର

ବଢିଲା ଆଦର,

ସତରଞ୍ଜି - ଧୋତି

ଗାମୁଛା - ଚାଦର ।

ବନ୍ଦୀ ବୁଣିବା ଶିଖିଲେ •••


ବସ୍ତ୍ରର ଆଦର

ଦେଖିଣ ରାଜନ

ବୟନ କଳ କିଣିଲେ,

ରମ୍ଭେଇ ସ୍ଥାନରେ

ଏକ ସୂତା କଳ,

ଆଖୁ କଳ, ଜଳ

- ଉଠାଇବା କଳ ।

ପ୍ରଜା ହିତେ ବସାଇଲେ •••


କୁସଂସ୍କାର ଦୂର

ନିମନ୍ତେ ନରେଶ

ନୀତି ପ୍ରଣୟନ କଲେ,

ବାଲ୍ଯ - ବୃଦ୍ଧ ବିଭା

ସତୀ ଦାହ ପ୍ରଥା,

ଜାତି ଭେଦଭାବ

ନର ବଳି କୁପ୍ରଥା ।

ରାଜ୍ଯରୁ ଉଚ୍ଛେଦ କଲେ •••


ଦେବଗଡ ଠାରେ

ପ୍ରମୋଦ ଉଦ୍ଯାନ (ବଡ ବଗିଚା)

ନିର୍ମାଣ କରିଲେ ରାଜା,

ନାନା ଫୁଲ ଫଳେ

ସଂପୂର୍ଣ୍ଣ ବଗିଚା,

ପୌରଣିକ ଚିତ୍ର

ସୁଅତୀତ କଥା ।

ଦେଖି ଖୁସି ହେଲେ ପ୍ରଜା •••


ସତେଇଶ୍ ତମ

ରାଜା ବାସୁଦେବ (୧୮୬୮ - ୧୯୦୩)

ଥିଲେ ଶ୍ରେଷ୍ଠ ପ୍ରଶାସକ,

ଛବିଶ୍ ଗଡରୁ

ବାମଣ୍ଡା ପ୍ରଦେଶ,

ସାରା ଓଡିଶାରେ

ରଖିଥିଲା ଯଶ ।

ରାଜା,

ଥିଲେ ପରଜା ପାଳକ •••


ପ୍ରତିଟି ଯୁଦ୍ଧରେ

ଜିତିବା ଲାଳସା

ରଖୁଥିଲେ ସୈନ୍ୟ - ରାଜା,

ସୌନ୍ଦର୍ଯ୍ୟ ସମ୍ଭାର

ସମ୍ପୂର୍ଣ୍ଣ ରାଇଜ,

ରାଜଧାନୀ ଥିଲା

କୋଟି ସୂର୍ଯ୍ୟ ତେଜ ।

ତେଣୁ,

ଉଜ୍ଜୟିନୀ ବୋଲି

କହୁଥିଲେ ତୁଣ୍ଡେ ପ୍ରଜା •••


ରାଜନ,

ପଣ୍ଡିତ ସଭାର

କଲେ ଆୟୋଜନ

ଭାଷାର ଉନ୍ନତି ପାଇଁ,

ବିଭିନ୍ନ ସ୍ଥାନରୁ

ପଣ୍ଡିତ ଆଣିଣ,

ରାଜ ଦରବାରେ

ଦେଲେ ସୁସମ୍ମାନ ।

ହସିଲା ଓଡିଶା ଭୂଇଁ •••


ଅଠର ଶହ

ଛୟାଅଶୀ ସାଲେ

ନିଜ ଦରବାର ଠାରେ,

ମନ୍ତ୍ରୀ ପରିଷଦ

ପଣ୍ଡିତ ଡାକିଲେ,

ରାଧାନାଥ ରାୟଙ୍କୁ

ସମ୍ମାନିତ କଲେ ।

' କବିବର ' ଉପାଧିରେ •••


କବି - ଜ୍ଞାନୀ - ଗୁଣୀ

ଆଗମନ ଦେଖି

ପୁରି ଉଠିଲା ଅନ୍ତର,

କବି ରାଧାନାଥ

ହୋଇଣ ହରଷ,

କହି ଦେଇ ଗଲେ

ବାମଣ୍ଡା ପ୍ରଦେଶ ।

' ବୁଧ ହଂସ କେଳି ସର ' •••


ବାମଣ୍ଡା ଦକ୍ଷିଣେ

ଆନ୍ଦୋଳନ ଦେଖି

ଭୟରେ,

ଇଂରେଜ ଛାନିଆ ହେଲେ,

ବିପ୍ଳବ ଦମନ

କରିଲେ ରାଜନ,

ଦେଖି ବ୍ରିଟେନ୍ ଦେଲା

ସି•ଆଇ•ଇ•( C•I•E• ) ସମ୍ମାନ ।

ରାଜା,

ବାସୁଦେବ ଖୁସି ହେଲେ •••


ପୋଷ୍ଟ ଅଫିସ୍

ସାଥେ ମୁଦ୍ରା - ଷ୍ଟାମ୍ପ୍

ପ୍ରଚଳନ କଲେ ରାଜା,

ନୋଟ୍ ଛପାଇଣ

ଚଳାଇଲେ ରାଜ୍ୟ,

ଧନ୍ଯ ଧନ୍ଯ କଲେ

ଦେଖି ହିତ କାର୍ଯ୍ଯ ।

ଉସତ ହୋଇଲେ ପ୍ରଜା •••


ବାସୁଦେବଙ୍କର

ତତ୍ତ୍ବାବଧାନରେ

ବାମଣ୍ଡା ଡାକ ବିଭାଗ,

ଥିଲା ପ୍ରଚଳିତ

ପ୍ରତ୍ଯକ୍ଷ ଭାବରେ,

ଚିଟାଉ ପ୍ରେରଣ

ଦୁଇ ପଇସାରେ ।

ରାଜ୍ୟ,

ଲାଗୁଥିଲା ସତେ ସ୍ବର୍ଗ •••


ପ୍ରଜାଙ୍କୁ ଅଧିକ

ବ୍ଯୟରୁ ମୁକତ

କରିବା ପାଇଁ ଦରେଶ,

ଡାକ ବିଭାଗକୁ

ହସ୍ତାନ୍ତର କଲେ,

ବ୍ରିଟିଶ ସରକାର

ଗ୍ରହଣ କରିଲେ ।

ଦେଇ ଭରସା ବିଶ୍ବାସ •••


ଉତ୍ତମ ଶାସନ

ହିତ କାର୍ଯ୍ଯ ଆଉ

ରାଜ୍ଯର ଉନ୍ନତି ପାଇଁ,

ବ୍ରିଟିଶ୍ ସରକାର

ଦେଲେ,

କେ•ସି•ଆଇ•ଇ•( K•C•I•E•) ସମ୍ମାନ,

ଆନନ୍ଦିତ ହେଲେ

ସୁଢଳ ରାଜନ ।

' ସାର୍ ',

ଡାକିଲା ବାମଣ୍ଡା ଭୂଇଁ •••


ଉଦ୍ଭାବନ ହେବାର ୨୦ ବର୍ଷ ମଧ୍ୟରେ -

ଭାରତର ଦୀର୍ଘ

ଟେଲିଫୋନ୍ ସେବା

ଆରମ୍ଭ କଲେ ନରେଶ,

ଗୋବିନ୍ଦପୁରରୁ

ବାରକୋଟ ଯାଏଁ,

ଉତ୍ତମ ରାଜତ୍ବ

ଇତିହାସ କହେ ।

ପ୍ରଜାଏଁ ହେଲେ ହରଷ •••


କୁଚିଣ୍ଡା ଆଉ

ଦେବଗଡ ଦେଇ

ସେବା ଆରମ୍ଭ କରିଲେ,

ଦୀର୍ଘ ଅଶୀ ମାଇଲ୍

ଟେଲିଫୋନ୍ ତାର,

ସଂଯୋଗ କରିଣ

ଯୋଡିଲେ ଅନ୍ତର ।

ଉଣେଇଶ୍ ଶହ ସାଲେ •••


ଉଣେଇଶ୍ ଶହ

ତିନି ଖ୍ରୀଷ୍ଟାବ୍ଦରେ

ବାମଣ୍ଡା ରାଜ ରାସ୍ତାରେ,

' ପେନାଡ ' ଗଡିଲା

କିରାସିନି ତେଲେ,

ଦେଖିଣ ପ୍ରଜାଏଁ

ଖୁସିରେ କହିଲେ ।

ପ୍ରଥମ କାର୍ ରାଜ୍ୟରେ •••


ସ୍ବର୍ଗ ଆରୋହଣ

କଲେ ବାସୁଦେବ

ସାଢେ ତେପନ ବରଷେ,

ଶୋକରେ ଡୁବିଲା

ବାମଣ୍ଡା ରାଇଜ,

ମନେ ପଡେ ଆଜି

ସବୁ ହିତ କାର୍ଯ୍ଯ ।

ସ୍ବର୍ଣ୍ଣ,

ପାଲଟୁ ଥିଲା ପରଶେ •••


ବାମଣ୍ଡାଧୀପତି,

ଏକତ୍ରିଶ ବର୍ଷ

ରାଜୁତି କରିଣ

ଇହ ଲୀଳା ସ୍ମରଣିଲେ,

ଉତ୍କଳ ଭୂଇଁର

ଉଜ୍ଜ୍ବଳ ନକ୍ଷତ୍ର,

ଦିନ ଦ୍ବିପ୍ରହରେ

ରୋଗ ବହୁମୂତ୍ର ।

ଲୁଚାଇଲା ଭୂମଣ୍ଡଳେ •••


ବିସ୍ମୟ ପ୍ରତିଭା

ପରଜା ପାଳକ

ଥିଲେ ସେ ଯୁଗ ପୁରୁଷ,

ଏତେ କମ୍ ବୟସେ

ଚାଲିଯିବା କଥା,

ଭାବିଲେ ଅନ୍ତରେ

ପାଏ ଘୋର ବ୍ଯଥା ।

ନ ହୁଏ ଜମା ବିଶ୍ବାସ •••

ଶ୍ରୀ ଲକ୍ଷ୍ମଣ କୁମାର ବେହେରା (ଯତି)

କବି କୁଟୀର

ଦଣ୍ଡାସିଂହା,ବାରକୋଟ

ଦେବଗଡ (ଓଡିଶା)

ଦୂରଭାଷ- ୯୬୬୮୨୪୨୭୨୦

ପ୍ରେମ ପୋଥି ରାଜା ପତ୍ନୀ

Rate the content


Originality
Flow
Language
Cover design

Comments

Post


Some text some message..