ପହିଲି ଦେଖା
ପହିଲି ଦେଖା
1 min
1.2K
ତୋ ସାଥିରେ ମୋର ଦେଖା ହୋଇଥିଲା
ନିଛାଟିଆ ଖରାବେଳେ
ଯାଇଥିଲି ଦିନେ ବୁଲିବା ପାଇଁକି
ତୁମ ଗାଆଁ ନଈ କୂଳେ ।
ନାଲିଆ ଶାଢ଼ୀଟେ ପିନ୍ଧିଥିଲୁ ଦେହେ
ଥିଲା ତାର ଧଳା ଧଡି
ସତେ ଅପସରି ଲାଗୁଥିଲୁ ମୋତେ
ପିନ୍ଧିଥିଲୁ କାନି ଛାଡି ।
ଲାଜେଇ ଲାଜେଇ କଣେଇ ଚାହିଁଲୁ
ମନରେ ଥିଲା ତୋ ଡର
ଡର ମିଶା ତୋର ଲାଜୁଆ ଚାହାଣୀ
କିଣି ନେଲା ମନ ମୋର ।
ମୋତେ ଦେଖି ସିନା ଫେରି ଯାଇଥିଲି
ହୋଇ ତୁହି ତର ତର
ହେଲେ ତୋର ସେହି ପହିଲି ଦେଖାଟି
ହୃଦୟେ ତୋଳିଲା ଘର ।
ତୋ ସାଥିରେ ସେହି ପହିଲି ଦେଖାଟି
ଆଜି ଯାଏ ଭୁଲି ନାହିଁ
ତୋତେ ମୁଁ ରଖିଛି ସାଇତି ଜାତନେ
ହୃଦୟେ ମୋହର ନେଇ ।
~~~*~~~
ପ୍ରଶାନ୍ତ କୁମାର ନାଥ
ସୁନ୍ଦରପୁର,ଉତ୍ତରକୂଳ ହାଟ,ପ୍ରୀତିପୁର,ଯାଜପୁର
ମୋ-08892301143