Library
ହେ ବୀର ସୈନିକ ଯୋଗ୍ୟତମ ସୁତ
ହେ ବୀର ସୈନିକ ଯୋଗ୍ୟତମ ସୁତ
ଶତ ପ୍ରଣିପାତ ହେ ବୀର ସୈନିକ
ଜନନୀର ଯୋଗ୍ୟ ସୁତ ;
ଜାଗ୍ରତ ପ୍ରହରୀ ସୁରକ୍ଷା ବାହିନୀ
ତୁମେ ତ' ମାଆର ବିତ୍ତ !!
ଦେଶ ମାତୃକା'ର ସୁରକ୍ଷାର ଭାର
ତୁମ ହସ୍ତେ ସବୁ ନ୍ୟସ୍ତ ;
ଏ ଗୁରୁ ଦାୟିତ୍ଵ କରୁଛ ବହନ
ଜଳାଞ୍ଜଳି ଦେଇ ସ୍ୱାର୍ଥ !!
ମହାନ ହୃଦୟ ହେ ବୀର ଯବାନ
ସଙ୍କଟରେ ସଦା ତୁମେ ;
ଅସୀମ ଧୈର୍ଯ୍ୟର ତୁମେ ସହଚର
ଶତ୍ରୁ ନାଶ ରଣଭୂମେ !!
ଆତଙ୍କ ବିଲୋପ ତଵ ମୂଳ ଲକ୍ଷ୍ୟ
ଗୋଳା ଗୁଳି ନିଶାଣରେ ;
ଶୁଭ ଆଶୀର୍ବାଦ କରେ ମାଆ ଦେଶ
ଥାଆ ସଦା କୁଶଳରେ !!
ଶତ୍ରୁ ଦେଶ ରଚେ ବିଶ୍ଵାସ ଘାତକେ
କରି ମହାସଡଯନ୍ତ୍ର ;
ବିନାଶିବା ଲକ୍ଷ୍ୟ ରଖେ ଶତ୍ରୁ ପକ୍ଷ
ତଵ ହସ୍ତେ ବ୍ରହ୍ମ ଅସ୍ତ୍ର !!
ଜୀବନ ତୁମର ମହାସମରର
ଦେଶ ପାଇଁ ସମର୍ପଣ ;
ତୁମେ ହଜିଗଲେ ସାରା ଦେଶ ଝୁରେ
କିଏ ବା ସୁଜିବ ଋଣ !!
କର୍ମ ଭୂମି ସ୍ଥଳେ ଜୀବନଟା ଗଲେ ;
ବାହୁନି କାନ୍ଦଇ ମାଆ ;
କାହିଁ ଗଲୁ ଧନ ବୁଝୁନି ମୋ ମନ
ଆ ଆ' ମୋ 'ଧନ ବାଇଆ
ଶେଷ ଶ୍ରଦ୍ଧାଞ୍ଜଳି କରୁଚି ଅର୍ପଣ
ହେ ବୀର ଜବାନ ସୁତ ;
ଅମର ରହିବ ତଵ ନାମ ସତ
ଶତ ଶତ ପ୍ରଣିପାତ !!
ଦାନନ୍ଦ ସାହୁ ; କେନ୍ଦ୍ରୀୟ କାରାଗାର ; କଟକ ; ଚୌଦ୍ୱାର
