Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Hrushikesh Satpathy

Inspirational

3  

Hrushikesh Satpathy

Inspirational

ଜୀବନ୍ତ ପ୍ରତିମା

ଜୀବନ୍ତ ପ୍ରତିମା

1 min
6.6K


ମୋ'କବିତା ଏକ

ଜୀବନ୍ତ ପ୍ରତିମା

ରୂପ,ରସ,ଛନ୍ଦ

ପ୍ରୀତିରେ ଭରା ।

ତା' ଗୁଣ ଗାରିମା

ବର୍ଣ୍ଣିବାକୁ ନାହିଁ

ମୋ' ପାଖରେ ଭାଷା

ଭାବ ପସରା ।

ମୋ' କବିତା ଏକ

ନିଆରା ରମଣୀ

ଅମାପ ତାହାରି

ହୃଦୟ ଧାରା ।

କାହାକୁ ହସାଇ

କାହାକୁ କନ୍ଦାଏ

ଆସରା ତାହାରି

କୂଳ କିନାରା ।

କବିତା ମୋହର

ବଧିର ବସୁଧା

ଇର୍ଷା ଅହଂକାର

ଶୁଣି ନଥାଏ ।

ଆପଣା ପଣରେ

ନିଜ ସୌରଭେ

ଜଗତସାରାକୁ

ସଜେଇ ଥାଏ ।

କବିତା ମୋହର

ବୈଦିକ ଭଉଣୀ

ନିଜେ ଜଳି ମୋର

ମଙ୍ଗଳ ଚାହେଁ ।

ସେ ପୁଣି ମମତା

ମୃଣ୍ମୟୀ ସବିତା

ସୁନାର ଆଲୋକେ

ଜଗତ ମୋହେ ।

କବିତା ଯେ ମୋର

ସଞ୍ଜ ସକାଳ

ଋତୁରେ ବାସନ୍ତୀ

ରୂପରେ ରାଣୀ ।

ରଙ୍ଗେ ଇନ୍ଦ୍ରଧନୁ

ସ୍ୱଭାବେ ସ୍ନିଗ୍ଧା

ମୋ'ପାଇଁ ଶୁଭଶ୍ରୀ

ପରଶ ମଣି ।

କବିତା ଲୋ ! ପ୍ରିୟ

ମାନସୀ କନ୍ୟା

ମୋ'ମାନସେ ତୋତେ

ସାଇତି ଥିବି ।

ଜୀଵନେ ତ କେବେ

ଭୁଲି ପାରିବିନି

ଭୁଲିବି, ଯେ ଦିନ

ମଶାଣି ଯିବି ।


Rate this content
Log in