ବାପା

ଆମ ପାଇଁ ଆମ ବାପା ହେଉଛନ୍ତି

ଦୁନିଆର ବଡ ଧନୀ

ଯେବେ ଯାହା ମାଗୁ ସବୁ ସେ ଦିଅନ୍ତି

ମନା କେବେ କରନ୍ତିନି ।

ପ୍ରତ୍ୟେକ ସଂସ୍କାର ନୀତି ଶିକ୍ଷା ଆଦି

ପାଇଛେ ତାଙ୍କଠୁ ଆମେ 

ଦୁଃଖ କଷ୍ଟ ସହି ସମସ୍ତ ସୁଖକୁ

କରନ୍ତି ସେ ଆମ ନାମେ ।।

ତାଙ୍କ ପାଇଁ ଆମେ ଏଇ ଦୁନିଆରେ

ପାଇଅଛେ ଜୀବ ସତ୍ତା

ଭଗବାନଙ୍କର ଅନ୍ୟ ଏକ ରୂପ

ଯାହାଙ୍କର ନାମ ପିତା ।।

ଆମ ପାଇଁ ସିଏ ସବୁକିଛି ଆଉ

ସିଏ ହିଁ ଆଦର୍ଶ ବ୍ୟକ୍ତି 

ଜୀବନଟା ସାରା ପୂଜୁଥିବା ତାଙ୍କୁ

କରି ହୃଦୟରୁ ଭକ୍ତି ।।

ବିଜୟନଗର, ଗଣିଆ, ନୟାଗଡ଼