ଏହି ଯେ ପ୍ରିୟ ବହି ମୋହର

ଏହି ଯେ ପ୍ରିୟ ବହି ମୋହର

କରେ ମୁଁ ତାକୁ କେତେ ଆଦର

ଏଥିରୁ ପଢେ କେତେ ମୁଁ ପାଠ

ଏହି ଯେ ମୋତେ ବତାଏ ବାଟ

ଏଥିରୁ ପଢି ଶିକ୍ଷିତ ହୁଏ

ଏହି ଯେ ମୋର ମନକୁ ମୋହେ

ପଢିଲେ ସିନା ପାରୁଛି ଜାଣି

ଦେଶ ବିଦେଶର କେତେ ଖବର

ଏହି ଯେ ପ୍ରିୟ ବହି ମୋହର ।

ଏହି ଯେ ପ୍ରିୟ ବହି ମୋହର

ରଙ୍ଗ ବେରଙ୍ଗେ ଦିଶେ ସୁନ୍ଦର

ଏହାକୁ ଅତି ଧ୍ୟାନରେ ପଢେ

ଏହି ଯେ ମୋର ଜୀବନ ଗଢେ

ନୀତି ଆଦର୍ଶ ଶିଖାଏ ମୋତେ

ଭଲ ଗୁଣ ଯେ ଶିଖାଏ କେତେ

ମନ ଲଗେଇ ପଢୁଛି ବୋଲି

ଶିଖୁଛି କେତେ ମୁଁ ଶିଷ୍ଟାଚାର

ଏହି ଯେ ପ୍ରିୟ ବହି ମୋହର ।

ଏହି ଯେ ପ୍ରିୟ ବହି ମୋହର

ସମକକ୍ଷ ନୁହେଁ କେହି ତାହାର   

ଏହାକୁ ନେଇ ଇସ୍କୁଲ ଯାଏ

ଧ୍ୟାନର ସହିତ ମୁ ପଢୁଥାଏ

ବଡ଼ ଲୋକଙ୍କ ଜୀବନ କଥା

ଶିଖେ ଉପାଦେୟ ସୁନ୍ଦର ବାର୍ତ୍ତା

ପଢେ ଅନେକ ଗଳ୍ପ କବିତା

ପଢିଲେ ମନ ହୁଏ ଚଞ୍ଚଳ

ଏହି ଯେ ପ୍ରିୟ ବହି ମୋହର ।