ଆମ ପରିବେଶ
ଆମ ପରିବେଶ
ବିଷ୍ଣୁଚରଣ ଅଟ୍ଟନାୟକ
ପିନ୍ଧିବାକୁ ଜମା ଇଚ୍ଛା ହୁଏ ନାହିଁ
ମଇଳା ପୋଷାକଟିଏ,
ପଢିବାକୁ ମନ ଭଲଲାଗେ ନାହିଁ
ଥିଲେ ଚିରା ବହିଟିଏ l
ଚାଲିବାକୁ ଭାରି ଅନିଚ୍ଛା ଲାଗଇ
ରାସ୍ତାଟି ଅସନା ଥିଲେ,
ବସିବାକୁ ଭାରି ଖରାପ ଲାଗଇ
ଦୁର୍ଗନ୍ଧରେ ବାସୁଥିଲେ l
ଖାଇବାକୁ ମୋଟେ ଇଚ୍ଛା ହୁଏ ନାହିଁ
ପଚାଶଢା ହୋଇଥିଲେ
କଟାହେବା ପାଇଁ ମନ ଚାହେଁ ନାହିଁ
ହୃଦୟ ସ୍ବଚ୍ଛ ନଥିଲେ l
ରୋଗ ଯେତେସବୁ ମାଡି ଆସୁଥାଇ
ପରିଷ୍କାର ନ ରହିଲେ
ତଥାପି ମଣିଷ ଟିକେ ବୁଝୁ ନାଇଁ
ଯେତେ ଯାହା ବୁଝାଇଲେ l
ମନ ଆମ ସଦା ସୁନ୍ଦର ଖୋଜଇ
ଚାହୁଁ ଥାଏ ସବୁ ଭଲ
ଆମ ପରିବେଶ ଅସୁନ୍ଦର ରଖି
ହେବା କିଆଁ କଲବଲ l
ଆସ ସାଙ୍ଗସାଥି ଭଉଣୀ ଓ ଭାଇ
ଶପଥ ନେବାରେ ଆସ
ପରିବେଶ ସ୍ବଚ୍ଛ ରଖିବା ପାଇଁ କି
କରିବା ସଦା ପ୍ରୟାସ l
ସ୍ବଚ୍ଛ ପରିବେଶ ରହିଲେ ରେ ଭାଇ
ମାଡିବନି କେବେ ରୋଗ
ମନ ସାଥେ ଭଲ ପରିବେଶ ପାଇଁ
ଏ ମାଟି ହେବ ସରଗ l