ଇଏ କିଏ
ଇଏ କିଏ
1 min
102
ବାଲୁ ବାଲୁ ହୋଇ ଚାହୁଁଥିଲେ
ହାତରେ ନିଆଁହୁଳା ନେଇ ସେମାନେ
ଭାବୁଥିଲେ କିଏ ଏଇ ଆଗନ୍ତୁକ!
ଅଦ୍ଭୁତ ବେଶଭୂଷା ତା'ର
ପରିପାଟୀରୁ ତ ଆମ ଇଲାକାର
ବୋଲି ବୋଧ ହେଉନି।
ମନରେ ଆସୁଛି ପ୍ରଶ୍ନବାଚୀ?
କାହିଁକି ଆସିଛି ଇଏ?
କ'ଣ ୟା'ର ଉଦ୍ଦେଶ୍ୟ?
ହଠାତ ୟା'ର ଉପସ୍ଥିତି
କେମିତି କେମିତି ଲାଗୁଛି
ମନରେ ଉଠୁଛି ଅନେକ ପ୍ରଶ୍ନବାଚୀ।
ରହିବାକୁ ହେବ ଜାଗ୍ରତ
ଆଖି,କାନ,ରଖିବାକୁ ହେବ ଖୋଲା
ଜାଣିବାକୁ ହେବ ଅଭିପ୍ରାୟ ୟା'ର
ଭଲ ହେଲେ ହେବ ଆମ ବନ୍ଧୁ
ନହେଲେ ହରାଇବ ଇଏ
ନିଜର ଅମୂଲ୍ୟ ଜୀବନ।