ମାଆ ତୋତେ ନମସ୍କାର
ମାଆ ତୋତେ ନମସ୍କାର
ମରହଟିଆ ଧୋତି ପାଇଜାମା ନୁହେଁ
ଟି’ ସାର୍ଟ ସାଙ୍ଗକୁ ଜିନ ପ୍ୟାଣ୍ଟ ଟାଇଟ୍
ଭଜନ କୀର୍ତ୍ତନର ନୂଆ ବିବର୍ତ୍ତନ
ଘୋ ଘୋ ମାଇକ୍ ଥୋ ଥୋ ଲାଇଟ୍
ଚାନ୍ଦା ପଇସା ଧାଡି ବାଉଁସରେ
କଲୋନି, ସୋସାଇଟି ଦାମିକିଆ ନାଇଟ୍ ।
ପାର୍ଥନା ଅଛି ନା ଅଛି ଏଠି ଅର୍ଚ୍ଚନା
ସାଜୁଛି ଖାଲି ଟେମ୍ପରାରି ହାଟ ସରଂଚନା
ଦୋକାନ, ବଜାର, ବେଲୁନ୍ ବାଲା
ତୁହାକୁ ତୁହା ଦହିବରା, ଚାଟ୍ , ଗୁପ୍ଚୁପ୍ ଠେଲା
ଚୁମୁକି ଲଗା ଜରିପକା ଶାଢୀ, ମ୍ୟାଚିଙ୍ଗ୍ ଚୁଡି
ଆଜିର ଲାଟେଷ୍ଟ ଫେସନରେ
ଝିଅ ଲଗାଏ ମେହେନ୍ଦି, ପୁଅ ହାତେ ଟାଟୁ ବିରାଡି
ମାଆ ପ୍ରତି ଭକ୍ତି ଓ ଶ୍ରଦ୍ଧା ପଛେ ଚୁଲିକୁ ଯାଉ
କୁତୁକୁତିଆ ମେଲୋଡିର ମଜା କିନ୍ତୁ ନିଆଯାଉ
ମାଆକୁ ଦର୍ଶନ ବାହାନା କରି
ଭୋଜନ, ବନ୍ଧୁଦର୍ଶନ ଓ ମନୋରଞ୍ଜନ ଏଇମିତି ଚାଲିଥାଉ ।
ମାଆ ଲୋ, ତୋତେ ତ ସବୁ ଗୋଚର
ତୁ ପରା ଅର୍ନ୍ତଯାମୀ, ବିରାଜୁ ସଚରାଚର
ଦେଖି ଏତେ ଭେଳିକି କେମିତି ତୁ ସ୍ଥିର ଆଉ ନିଶ୍ଚଳ
ଆଧୂନିକଣ ନାଁରେ ସଂସ୍କୃତିର ପରା ହେଲାଣି ଏଠି ସଞ୍ଜବେଳ
ଏବେ ତ ଉଠ୍ , ମହୀଶାମର୍ଦ୍ଧିନୀ, ଦୁର୍ଗତିନାଶିନୀ
ଘେନି ମୋ ଅଞ୍ଜଳି, ଏ ମର୍କଟମାନଙ୍କୁ ଟିକେ ଉଝାଳି
ଖୋଲି ଦେ ଜ୍ଞାନର ଚକ୍ଷୁ
ଦେଖନ୍ତୁ ସଭିଏଁ ତୁ ଶକ୍ତିସ୍ୱରୁପା, ବିଘ୍ନବିନାଶିନୀ ।