ସବୁଜ ସୁଷମା
ସବୁଜ ସୁଷମା
1 min
12.7K
କବିତା ମହାନ୍ତି
ସମ୍ଭାବାନର ସବୁଜ ସପନ
ଶ୍ୟାମଳିମା ଖେଳେ ଦୋଳି
କେଦାରେକେଦାରେ ସବୁଜ ସୁଷମା
ପ୍ରକୃତିରେ ଯାଏ ଖେଳି l
ସୁନୀଳ ଗଗନ ସବୁଜିମା କ୍ଷେତ
ଅପୂର୍ବ ମିଳନ ଦୃଶ୍ୟ
ସମୀରଣ ସାଥେ ଝୁଟେ କାଶତାଣ୍ଡି
ଧବଳ ସୁମନ ହାସ୍ୟ l
ସରଣୀର ଧାରେ ପାଟ ଗହୀରରେ
କାଶତଣ୍ଡିର ସମ୍ଭାର
ଶରତ ଆସିବେ ମଆ ମୋ ମରତେ
ସ୍ଵଗତିକା ମଧୁ ଝର l
ଶାରଦାଙ୍କ ପାଇଁ ଶ୍ଵେତ କୁସୁମରେ
ସଜାଇବା ବସୁନ୍ଧରା
ଶରତ ଅମ୍ବରେ ରୂପା ଚନ୍ଦ୍ରାତାପ
ମଧୁମୟ ହେବ ଧରା l
ଶୋଭାର ଭଣ୍ଡାର ସଦୃଶ୍ୟ ଛବିଳ
ପ୍ରାଣରେ ଆନନ୍ଦ ଭରେ
ସପନେ ଗୋପନେ ସୁଷମା ପିୟୁଷ
ଏ ମନ ଭ୍ରମରେ ଝୁରେ l