କଲମ ମୁନ
କଲମ ମୁନ
କଲମ ମୁନର ଏତିକି ଶକତି
ଖଣ୍ଡାଧାର ଠୁ ବି ଧାରୁଆ ଅତି ॥
ତାଦ୍ୱାରା ନିର୍ଦ୍ଦୋଷ ପାଉଛି ଫାଶୀ
ଦୋଷୀ ଦୋଷ କରି ଯାଉଛି ଖସି ॥
କେବେ ସେ ନ୍ୟାୟର ଲେଖେ ସ୍ଲୋଗାନ
କେବେ ଅନ୍ୟାୟାର କରେ ସେ ଗାନ ॥
ଭୁଲ ଲୋକ ହାତେ ପଡିଲେ ଥରେ
ଅନ୍ଧପୁଟୁଳି ସେ ବାନ୍ଧେ ନ୍ୟାୟରେ ॥
ଠିକ ଲୋକ ଯେବେ ଧରଇ ତାକୁ
ବ୍ୟବହାର କରେ ଧର୍ମେ ତାହାକୁ ॥
ସତ୍ୟ ଲେଖି ସିଏ ଅଧର୍ମ ନାଶେ
ସେଇ ଲେଖା ବଳେ ଜଗତ ହସେ ॥
କଲମ ଏମିତି ଅପୂର୍ବ ରତ୍ନ
ସଭିଏଁ ତାହାର କରନ୍ତି ଯତ୍ନ ॥
ନେତାଜୀ ନଗର,
ମଧୁପାଟଣା,
କଟକ