ଆପଣାର
ଆପଣାର
ମୋ ସ୍ବପ୍ନର ଇଲାକାରେ କେହି ଜଣେ ଆସିବ,
ଯାହା ପାଇଁ ଥିଲା ବର୍ଷ, ବର୍ଷନ୍ତର ନିଘା,
ରାତି ରାତିର ଭାବନା,
ଏକାନ୍ତ, ନିରୋଳା ତପସ୍ୟା l
ଏତ ଦିନେ ନିଶ୍ଚୟ ଘଟିବ,
କେହି ଜଣେ ନିକଟରୁ, ଖୁବ ଆପଣାର ହେବ l
ଅସରନ୍ତି କଳନାରେ ପୂର୍ଣ୍ଣ ଛେଦ ଟାଣି,
ଭାବନାର ରଙ୍ଗୀନ ପରଦା ଆଡେଇ ମନର ମଣିଷ ସାଜିବ l
ସେ ଏକ ଅନ୍ତିମ ଅଭିପ୍ସା ଯାହା ଯୋଡା଼ ହୋଇଛି
ଅନେକ ଅନେକ ମିଠା ମିଠା ଯୋଜନାରେ l
ମନ ଖୋଜି ବୁଲେ ଏକ ଶ୍ରେଷ୍ଠ ପ୍ରତିମ,
ଯେ ହିଁ ବୁଝି ପାରିବ କେବଳ ଅକୁହା କଥା,
ପଢି ପାରିବ ମୋ ଅବୁଝା ଆଖି,
ପୋଛି ନେବ ଅଶେଷ ବେଦନା l
ସେ କେହି ନୁହେଁ,
ସେ କେବଳ ସେ,
ଯେ ରହିବ ଚିରଦିନ ପାଖେ ପାଖେ,
ଖୁବ ଆପଣାର ବନ୍ଧୁ ପରି ବନ୍ଧୁ ଟିଏ ହୋଇ l
****