ଋତୁରାଜ
ଋତୁରାଜ
ଫୁଲର ସମ୍ଭାର ନେଇ,
ଋତୁରାଜ ଆସିଛି,
ପିୟୁଷ ଫୁଲରୁ ଝରୁଛି,
ମଳୟ ଦେହକୁ ଛୁଉଁଛି,
ପତ୍ର ଝଡା ତରୁ ବୃକ୍ଷେ,
ଶ୍ୟାମଳିମା ପତ୍ରେ ପତ୍ରେ ଭରୁଛି,
ପକ୍ଷୀଟିଏ ପଲ୍ଲଵ ଗହନେ,
ସେଥିପାଇଁ ଗୀତଟିଏ ଗାଉଛି |
ମଳୟର ହିଲ୍ଲୋଳ ସଭିଙ୍କୁ,
କରିଲାଣି ଅବିରତ କଲ୍ଲୋଳ,
ଫୁଲମାନେ କଲେଣି ନିମନ୍ତ୍ରଣ
ଭ୍ରମର ଆସି ହେଲେଣି ଠୁଳ,
ଫୁଲର ଝୁଲଣରେ ଝୁଲି ଝୁଲି,
ପ୍ରଜାପତି ହେଲେଣି ପାଗଳ,
ଉପବନ ଆଜି ମଧୁବନ
ମଧୁପ କରିବେ ମଧୁପାନ |
ଧାରବାସୀ ସମସ୍ତେ ଜାଗ୍ରତ,
ମୁଁ ଏକାକୀ ସମବିଷ୍ଟ,
ଧରାବୀ ଶ୍ରେଷ୍ଠ ସୌନ୍ଦର୍ଯ୍ୟରେ ଭୂଷିତ,
ବସନ୍ତ ପଞ୍ଚମୀରେ ସରସ୍ୱତୀଙ୍କୁ,
କରିବାକୁ ସ୍ୱାଗତ,
ଜୀବନ ବିଣାରେ ମା'ଗୋ,
ତୋଳିଦିଅ ମଧୁର ସଂଗୀତ |
ମନ୍ଦ ମନ୍ଦ ମଳୟରେ କୁସୁମ ମହକ,
ହୃଦୟ ହୁଏ ରୋମାଂଚିତ,
ପ୍ରାଣ ଅମୋଦିତ,
କୋକିଳର କୁହୁ କୁହୁ ତାନ,
ଆଃ! କି ସକରୁଣ ପ୍ରେମ ନିବେଦନ,
ଏ ସବୁର ସମାବେଶେ ସଭିଏଁ ନିମଗ୍ନ,
ଶିବ ରାତ୍ରିରେ ଜ|ଳିବାକୁ ଜୀବନ ପ୍ରଦୀପ|,
ଚାରିଆଡେ ଆସିଯିବ ରଙ୍ଗର ଖେଳ,
ଦୋଳ ବେଦିରେ ପୂଜା ପାଇବେ,
ରାଧାକୃଷ୍ଣଙ୍କ ମୂର୍ତି ଯୁଗଳ|,
ମର୍ଯ୍ୟାଦା ପୁରୁଷୋତ୍ତମଙ୍କ ର,
ଚାରିଆଡେ ହେବ ଜୟଗାନ |
ଚଇତି ଘୋଡା ଆଉ ଝାମୁ ଯାତ୍ରାରେ,
ଯୋଡି ହୋଇଯିବ ସାମାଜିକ ବନ୍ଧନ,
ହେ! ରସସ୍ରାବୀ ଚିର ବସନ୍ତ,
ତୁମେତ ସମସ୍ତଙ୍କର ପ୍ରାଣର ଆବେଗ,
ଋତୁଚକ୍ରର ଆବର୍ତ୍ତନରେ,
ତୁମେ ଋତୁରାଜ ବସନ୍ତ |