ଆଊ କେତେ କାଳ ?

ନୃସିଂହ ତରାଇ

କହିବ କହିବ ବୋଲି

ଡେରି ହୋଇଚି ଅନେକ

ଆଉ କେତେ କାଳ

ଚୁପ୍ ରହିବ କୁହ ?

ତମେ ହାତ ଟେକିନ ବୋଲି

ସବୁ ସଂଖ୍ୟାରେ ଅଧିକ

ସବୁଠି ସେମାନଙ୍କର

ଜୟଜୟ କାର !

କେଉଁଠି କେଉଁଠି

ଚିରକାଳ କି ସାମୟିକ

ତମ ନିରବତା ହିଁ

ଡାକି ଆଣିଚି

ଗୋଟେ ଗୋଟେ ସଙ୍କଟ l

କେତେକାଳ ତମେ ଚୁପ୍ ଥିବ

ବୁଜି ରହିଥିବ

ଆଖି କାନ ପାଟି

ନିରୀହ ପ୍ରାଣୀପରି

ଆଉ କେତେ କାଳ ନାଚାର ?

ତମେ କୁହ l

ତମ ଚୁପ୍ ରହିବାର

ଶେଷତମ ନିର୍ଯାସକୁ ଦେଖ

ନୂଆ ନୂଆ ଚିତ୍ରକୁ ବି ଦେଖ

କେଉଁଠି ଝଡି ପଡୁଚି

କଅଁଳ କଢ ତ

କତିଲ ହେଉଚି କଞ୍ଚା କଞ୍ଚା ବିଶ୍ଵାସ

କେଉଁଠି ଲୁଟ୍ ହେଉଚି

ଜମି ଜଳ ଜଙ୍ଗଲ

ଜର ଜର ରକ୍ତ ପାଦକରେ

ମୁଁ ପାର କରୁଚି

ମୋର ପ୍ରିୟତମ ବେଳ l