ତ୍ରିକାଳ ଜୟୀ

ଉତ୍କଳ ମାତାର ସତ୍ତ୍ୱ ଅଧିକାରୀ

ନିଜକୁ ନିଜେ ମୁଁ

ଦାବୀ କରୁଛି ।

ବିନ୍ଦୁଏ ଭକତି କାଣିଚାଏ ପ୍ରୀତି

ସତରେ କ'ଣ ମୁଁ

ଅର୍ପି ପାରୁଛି !

ଜନନୀ କୋଳରେ ବରଦା ସନ୍ତାନ

ହେବାର ସୁଯୋଗ

ଅନୁଭବିନି ।

ସେଇଥି ପାଇଁ ମୁଁ ବେଦେଶୀ ଭାଷାକୁ

ପ୍ରେମ କରିବାକୁ

ଛାଡି ପାରୁନି ।

ବିଦେଶୀ ମୋହରେ ସ୍ବଦେଶୀ ବଉଳ

ପତ୍ରଝଡା ପରି

ଦେଖା ଗଲାଣି ।

ଓଡ଼ିଆ ଜାତିର ସ୍ୱାଭିମାନ ସବୁ

ବିଦେଶୀ ବଜାରେ

ବିକା ଗଲାଣି ।

ମାତୃଭୂମି,ମାତୃଭାଷା ଆମପାଇଁ

ଗର୍ବ ଗୌରବର

ପରିଚାୟକ ।

ପଣ୍ୟ ଦ୍ରବ୍ୟ ନୁହେଁ,ସ୍ୱାର୍ଥ ବଦଳରେ

ସଉଦା କରିବା

ସାଜି ବଣିକ ।

ସଂଭ୍ରମ ଓଡିଶା ସମୃଦ୍ଧ ତା' ଭାଷା

ବଳିଷ୍ଠ ଐତିହ୍ୟ

ପ୍ରମାଣ ଦିଏ ।

ଯା'କୋଳେ ଜନମ ରମ୍ୟ ରାମାୟଣ

ତାହାକୁ ଦୁର୍ବଳ

କହିବ କିଏ ?

ଜାଗ ହେ,ଜାଗ ହେ ଉତ୍କଳ ସନ୍ତାନ

ସ୍ୱାଭିମାନେ ଶିଖ

ବଞ୍ଚିବା ପାଇଁ ।

ସମ୍ମାନରେ ଶିଖ,ଓଡ଼ିଆରେ ଲେଖ

ଭାଷା ଓ ଜାତିର

ଟେକ କୁ ନେଇ ।

ଜନନୀ ଓଠରେ ରଙ୍ଗ ଭରିଦିଅ

ଓଡ଼ିଆ ଭାଷାର

ଲାଳିତ୍ୟ ନେଇ ।

ଭାଷା ହିଁ ଗରବ ଭାଷା ହିଁ ଗୌରବ

ଐତିହ୍ୟୈଐତିହ୍ୟୈ

ତ୍ରିକାଳ ଜୟୀ ।