ଚାଲ୍ ଗୋଟେ ଖେଳ ଖେଳିବା
ଚାଲ୍ ଗୋଟେ ଖେଳ ଖେଳିବା
1 min
189
ପାହୁ ନଥିବା ରାତିର
କିଟମିଟ୍ ଅନ୍ଧାର ଭିତରେ
ଏକା ଏକା ନିଜ ସାଥେ ନିଜେ
ଗଢୁଥାଏ ପୁଣି ଭାଙ୍ଗୁଥାଏ ସମ୍ପର୍କ,
ସେପଟେ ରିତମତ ଷଡ଼ଯନ୍ତ୍ର
ରଚୁଥାଏ ସମୟ ଽ
ଝର୍କା ସେପଟେ ହାହାକାର
ମିଛ ମୋହର ମାଟି ଘର
ଏବେ ଏବେ ମିଶିଛି ମାଟିରେ,
କେହି କାହାର ନୁହେଁ ବୁଝି ଯିବା ପରେ
ବେଶୀ ବେଶୀ ଆପଣାର ଲାଗନ୍ତି ସଭିଏଁ ଽ
ଆକାଶର ମତୁଆଲା ଛାତିରେ
ଟିକେ ଆଗରୁ ଉଡୁଥିବା ଅଜଣା ପକ୍ଷୀ ବୋଧେ
ଫେରିଯାଇଛି ବସାକୁ,
ହେଲେ ମୁକୁଳି ପାରୁନି ପାଦ
ମିଛ ମାୟାର ଅନ୍ଧାର ଭୁତରୁ ଽ
କାଲି ପାଇଁ ବଞ୍ଚିବାକୁ
ବାହାନାଟେ ଖୋଜୁଖୋଜୁ
ଜଳୁଥାଏ କୋହରେ, ଲିଭୁଥାଏ ଲୁହରେ
ପାଉଁଶ ପାଲଟେ ମନର ସଳିତା,
ପୁଣି ସମୟ କଡ଼ ଲେଉଟାଇ କହେ
ଚାଲ୍ ଆଉ ଗୋଟେ ଖେଳ ଖେଳିବା ଽ