Audio

Forum

Read

Contests

Language


Write

Sign in
Wohoo!,
Dear user,
ନାରୀର ଅସ୍ମିତା
ନାରୀର ଅସ୍ମିତା
★★★★★

© Prasanna Kumar Das

Others

1 Minutes   6.6K    3


Content Ranking

ନାରୀର ଅସ୍ମିତା ପ୍ରସନ୍ନ କୁମାର ଦାସ 

ପିତା କଲେ ସ୍ୱୟମ୍ବର ବରିଲି ଅର୍ଜୁନ 

କୁନ୍ତୀମାତା ଦ୍ରବ୍ୟ ସମ କଲେ ବିଭାଜନ 

ସେହିଦିନୁ ହେଲି ପଞ୍ଚପାଣ୍ତବ ବନିତା... 

ମୁଁ ଦ୍ରୌପଦୀ ଯାଜ୍ଞସେନୀ ଦ୍ରୁପଦ ଦୁହିତା l

 

ଧର୍ମରାଜ ଯୁଧିଷ୍ଠିର ପ୍ରୀତି ଜୁଆଖେଳେ 

ବସ୍ତୁ ସମ ବାଜି ଦେଇ ଖେଳେ ହାରିଗଲେ... 

ହାରିଗଲେ ପୁରୁଷାର୍ଥ ପୁରୁଷର ପଣ 

ସଭାରେ ଉଲଗ୍ନ କଲେ କୌରବ ସନ୍ତାନ ।

 

କୁରୁସଭାସଦ ପତି ଗୁରୁ ଗୁରୁଜନ 

ସେ’କାଳେ କୁରୁସଭାରେ ହୋଇଲେ ମଉନ... 

ଅର୍ଜୁନର ପତ୍ନୀପ୍ରୀତି ମୋହ କି'ନଥିଲା 

ମହାଭାରତ ଯୁଦ୍ଧରେ ମୋହ ଉପୁଜିଲା ?

 

ଦୁଇବାହୁ ତୋଳି କଲି ଆତ୍ମସମର୍ପଣ 

ରଖ ମୋର ଲାଜ କୃଷ୍ଣ ହେ’ମଧୁସୂଦନ... 

କୋଟି ବସ୍ତ୍ର ଦେଇ କଲ ଲଜ୍ଜା ନିବାରଣ 

ତ୍ରିଲୋକେ ହେଲ ବିଦିତ ମାନଉଦ୍ଧାରଣ ।

 

ପାଣ୍ଡବ ବନବାସର ହେଲି ସହଚରୀ 

ବିରାଟ ରାଜା ରାଇଜେ ସୌରନ୍ଧ୍ରୀ ହୋଇଲି... 

କୀଚକ ବାସଶେଯରେ କରେ ନିମନ୍ତ୍ର 

ନାରୀ ସତେ ପୁରୁଷର କାମ ପ୍ରସାଧନ ?

 

ନୋହିଲି ନିଶ୍ଚିତ ପତ୍ନୀ ନିର୍ଦ୍ଦିଷ୍ଟ ପତିର 

ପାଂଚ ପୁତ୍ର ଜନମିଲି ପୁତ୍ର ନାହିଁ ମୋର 

ଦେବଅଂଶୀ ରାଜକନ୍ୟା ନାମ ମୋ ଦ୍ରୌପଦୀ 

ନିରର୍ଥକ ନାରୀ ଦେହ ଏକି ଦୈବ ବିଧି ?

 

ଆବହମାନକାଳରୁ ଅବଳା ଧର୍ଷିତା 

ଉତ୍ପିଡ଼ିତା ନିର୍ଯାତିତା ସେ’ ଅବହେଳିତା 

ପିତା ପତି ନାମେ କ୍ରମେ ହୁଏ ପରିଚିତା 

ନାହିଁ କି’ବା ନାରୀ ଦେହ ଜୀବନ ଅସ୍ମିତା ?

 

ତୁମ ସୃଷ୍ଟି ହୁଏ ଯେବେ ଦୁର୍ବହ ପତିତ 

ଅବତରି ଧରା କୋଳେ ହୁଅ ଆତ ଯାତ 

ପାପୀ ନାଶ କରି ଧର୍ମ କର ସଂସ୍ଥାପନ 

ତୃତୀୟ ପାଣ୍ଡବେ ପ୍ରଭୁ କହିଛ ଆପଣ ।

 

ଦେଖ ଆଜି ତୁମ ପୃଥ୍ଵୀ ହୁଏ ଟଳମଳ 

ଲକ୍ଷ ଦୁଃଶା ଦୁର୍ଯୋଧନ ହୋଇ କାମାତୁର 

ନିର୍ବସନ କରୁଛନ୍ତି ନିରୀହ କାମିନୀ 

ଗଣଧର୍ଷଣେ ବିଦୀର୍ଣ୍ଣ ହେଉଛି ଅବନୀ ।

 

ପତିତପାବନୀ ଧାରା ହେଲା ଅପବିତ୍ର 

ସାଗର ଲଙ୍ଘିଲା କୁଳ ପ୍ରାଣୀ ହେଲେ ତ୍ରସ୍ତ 

ପ୍ରକୃତିର ଋତୁ କାଳ ହେଲା ଅନିଶ୍ଚିତ 

ଆରତେ ଡାକେ ଧରତି ଆସ ଜଗନ୍ନାଥ ।

କବିତା..

Rate the content


Originality
Flow
Language
Cover design

Comments

Post


Some text some message..