Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

ବି. ନିରୁପମା

Drama Others

5.0  

ବି. ନିରୁପମା

Drama Others

ଅନୁମତି ଦିଅ ପିତା

ଅନୁମତି ଦିଅ ପିତା

1 min
328


       

ମରତ ପୁରକୁ ବୁଲିଯିବୁ ଆଜ

ଅନୁମତି ଦିଅ ପିତା ,

ଭକତଙ୍କ ସଙ୍ଗେ ଦିନ ବିତାଇବୁ

ସଙ୍ଗତରେ ଯିବେ ମାତା ।


ଶୟନ କାଳରେ ମଥା ଆଉଁସିକି

କହୁଥିଲେ ମାତା କାଲି ,

'ପିତାଙ୍କଠୁ ତୋର ବୁଝିବୁଟି ବାପ

ମରତକୁ ଯିବା ବୁଲି ।


ଯେତେ ଶୈବ,ଶାକ୍ତ, ଗାଣପତ୍ୟ ପୀଠ

ସବୁ ନିରେଖିବା ନେତ୍ରେ ,

ଦୁନିଆବାସୀଙ୍କ ଦୁଃଖ, ସୁଖ ବୁଝି

ଫେରିବା କୈଳାସ କ୍ଷେତ୍ରେ ।


ସେଥିପାଇଁ ମୁହିଁ କରପତ୍ର ଯୋଡ଼ି

ଅନୁମତି ଲୋଡ଼େ ପିତା ,

ତବାଦେଶ ହେଲେ ସଅଳ ଚଳିବୁ 

ବୁଝିବୁ ଭକ୍ତଙ୍କ କଥା ।



Rate this content
Log in