ଗରୀବର କଷ୍ଟ ମୃତ୍ୟୁଠୁ ଅଧିକ

ଆସିଲା ବୁଲବୁଲ କରିଲା କଲବଲ

ଭାଙ୍ଗିଲା ଚାଷୀର ବଳ

ଘରକୁ ଭାଙ୍ଗିଲା ଧାନ କ୍ଷେତ ଗଲା

ଏସବୁ ଭାଗ୍ୟର ଫଳ l

କରଜ ଥିଲା ଦରଦ ଦେଲା

ଆଖି ଅନ୍ଧାର ଦିଶିଲା

ସଂଚିତ ଧନ ଯାହା ଟିକେ ଥିଲା

ସବୁ ଭସେଇ ଦେଲା l

ବାତ୍ୟା ବନ୍ୟା ଦାଉ ସାଧିଲା

ଅଣ୍ଟାକୁ ଭାଙ୍ଗିଦେଲା

ସାରା ଜୀବନ ଦୁଃଖ ଅଭାବରେ

ଗରୀବର କଟିଲା l

ସରକାରଙ୍କର ସଚେତନ ଯୋଗୁଁ

ଜୀବନ ସିନା ବଞ୍ଚିଲା

ଦୁଃଖ କଷ୍ଟର ଗରୀବ ଜୀବନ

କେବେହେଲେ ନ ଘୁଞ୍ଚିଲା l

ଗରୀବ ହିଁ ଏଠି କଷ୍ଟ ପାଇଲା

ମୃତ୍ୟୁ କିଆଁ ନ ଦେଲା

ଫନିର କଷ୍ଟ ଭୂଲି ନଥିଲେ

ବୁଲବୁଲ ଆସିଲା l