ଅଜବ ସମୟ
ଅଜବ ସମୟ
ଶବ୍ଦ ସବୁ ଆଜି ନିରବ ନିରବ
ନିଖୋଜ ମନର ଯେତକ ଭାବନା,
ଶୂନ୍ଯତା ଭରା ଏ ସମୟ ସଂକେତ
ଦେଉଛି କି ସଂଦେଶ ବୁଝି ହୁଏ ନା।
କୋଳାହଳ ମୟ ପରିବେଶ ମଧ୍ଯେ
ନିର୍ଜନତା ର ଏ ବିଚିତ୍ର ଅନୁଭବ,
ମୋର ଭିତରୁ ମୁଁ ଟି ଯେ ଅନ୍ତର୍ଦ୍ଧାନ
ବୋଧହୁଏ ନୂତନ ସତ୍ତାର ଆର୍ବିଭାବ।
ଯେତେ ବିସ୍ମିତ ଓ ବିଚଳିତ ପ୍ରଶ୍ନ
ସେତେ ନିରୁଦ୍ଦିଷ୍ଚ ସମସ୍ତ ଉତ୍ତର,
ପାରେନି ବୁଝି ମୁଁ ପ୍ରଶ୍ନ ଅବାନ୍ତର
ଅବା ନିରୁପାୟ ଅଟନ୍ତି ଉତ୍ତର।
ଏ ଅଜବ ଆତ୍ମସନ୍ତୁଷ୍ଚତା ମନେ
ନାହିଁ କୌଣସି ଆବିଳତା ଅନ୍ତରେ,
ଏ ସମାପ୍ତର ଶେଷ ମୁହୁର୍ତ୍ତ ଅଟେ
କି ନୂତନତା ଆରମ୍ଭ ଅପେକ୍ଷାରେ ।