ଭରିଦିଅ ଦିବ୍ୟ ସତ୍ତା

     

ତୁମ କରୁଣାର ଦିବ୍ୟଧାରା ଢାଳି

ମୋ ଅନ୍ତର କର ଶୁଦ୍ଧ ,

ଦିଅ ମୋତେ ଚିର ଶାନ୍ତିର ଠିକଣା

ହେ ଆନନ୍ଦମୟ ବୁଦ୍ଧ ।

ଅମୃତମୟ ଏ ସଂସାର ମଧ୍ୟରେ

ମୁଁ ଏକ ପବିତ୍ର ସୃଷ୍ଟି ,

ଭକ୍ତିଭରେ ପଦେ ଗୁହାରି କରୁଛି

ହେ ଗୌତମ ଦିଅ ଦୃଷ୍ଟି ।

ମୂଲ୍ୟହୀନ କିଛି କାମନା ମୋ ନାହିଁ

ଚାହେଁ ଏ ସଂସାର ହିତ ,

ସମାଜ କଲ୍ୟାଣେ ବିତୁ ଏ ଜୀବନ

ପ୍ରସନ୍ନ ରହୁ ମୋ ଚିତ୍ତ ।

ମାନବ ଭିତରେ ମହାମାନବର

ଭରିଦିଅ ଦିବ୍ୟ ସତ୍ତା ,

କାମନାକୁ ଯେହ୍ନେ ଆୟତ୍ତରେ ରଖି

ପାଇବେ ସୁଖର ପତ୍ତା ।।