Audio

Forum

Read

Contests

Language


Write

Sign in
Wohoo!,
Dear user,
ରୋକୁ ଏଇ ଭାରଥୋର
ରୋକୁ ଏଇ ଭାରଥୋର
★★★★★

© Parshuram Biswal

Others

1 Minutes   6.7K    0


Content Ranking

ରୋକୁ ଏଇ ଭାରଥୋର

 

ପର୍ଶୁରାମ ବିଶ୍ୱାଳ

 

ସବୁ ଜାଣି ଜଗା ଶୋଭା ପାଉନାହିଁ ତୋର ଏଇ ନିରବତା

ବାହାଘର ପରେ ଝିଅଘର ମୁଣ୍ଡେ ପଶେ ଭାରଥୋର ଚିନ୍ତା

ଗୁମୁରି କାନ୍ଦଇ ଝିଅବାପା କାହିଁ

ଏକଥା କହ କି ମିଥ୍ୟା ?

 

କେତେ ରାଇଜରେ ଅଛି ସିନା ପ୍ରଭୁ ଏଇ ପ୍ରଥା ଭାରଥୋର

ବାହାଘର ପରେ ଗୋଟିଏ ବରଷ ଭାର ଦବ ଓଷା ବାର

ଏ ଚଳଣି ଏଇ ପରମ୍ପରା ପାଇଁ

ଝିଅ ବାପା ମୁଣ୍ଡବଥା ।

 

ଝିଅ ବାହା ପାଇଁ ଜମିବାଡ଼ି ବିକି, ଧାଆର କରଜ କରି

ଭାର କଥା ପୁଣି ଭାବିଲାବେଳକୁ ମୁଣ୍ଡ ଯାଉଅଛି ଘୂରି

ଭାଙ୍ଗିଚି ତା ଅଣ୍ଟା, ସଳଖିପାରିନି

ଭାବି ବୁଡ଼ିଯାଏ ଚେତା ।

 

ଯଉତୁକ ଟଙ୍କା ବାକି ଅଛି ବୋଲି ସମୁଦି ଦଶ ଖବର

ନିର୍ଯାତନା ଦିଏ ତା ଶାଶୁ-ନଣନ୍ଦ, ମୁଣ୍ଡ ଗୋଳମାଳ ତା’ର

ବୋଝ ଉପରେ ଏ ନଳିତା ବିଡ଼ାଟି

କହ ଇଏ କିବା କଥା !

 

ବୋହୂଘର ଭାର ଆସିଚି ବୋଲିକି ପୁଅବାପା ଖୁସି ହେଇ

ଗନ୍ଧିଆ ପଚରା ମିଠେଇ ସେ ବାଣ୍ଟେ ତା ବନ୍ଧୁ ତା ସାଇଭାଇ

ପାନରୁ ଚୂନଟି ଖସିଗଲେ ଟିକେ

ଝିଅଟି ହୁଏ ହିନସ୍ତା ।

 

ବୁଝେଇ କହ ତୁ ଠାକୁର ଆଜିରେ ଆମର ଏ ସରକାର

ସଚେତନ ନୁହଁ, ଆଇନି ବଳରେ ରୋକୁ ଏଇ ଭାରଥୋର

ଖୁସିରେ ରୁହନ୍ତୁ ପୁଅଝିଅ ଘର

ବଦଳିଯାଉ ବ୍ୟବସ୍ଥା ।

 

ଗ୍ରା.-ମିତ୍ରସେନପୁର, ପୋ.ଅ.-ଗମୁଁ

ଭା.-ଇନ୍ଦୁପୁର, ଜି.-ଯାଜପୁର, ପିନ୍-୭୫୪୨୧୪

ଫୋନ୍-୯୮୫୩୭୫୯୭୦୦

*****

ରୋକୁ ଏଇ ଭାରଥୋର

Rate the content


Originality
Flow
Language
Cover design

Comments

Post


Some text some message..