ତୁମ ସଂଗେ ଥରେ ଭାବ ଲାଗିଗଲା
ତୁମ ସଂଗେ ଥରେ ଭାବ ଲାଗିଗଲା
1 min
7.0K
ତୁମ ସଂଗେ ଥରେ ଭାବ ଲାଗିଗଲା
ଆଉ କି' ସେ ଭାବ ଛାଡିବ,
ପ୍ରୀତିର ରଙ୍ଗରେ ମହକ ଲଗାଇ
ଭୁରୁ ଭୁର ସିଏ ବାସିବ ।
ତୁମେ କଳାକାର କଳକଳ ତୁମ
କଲ୍ଲୋଳିତ ହସ କାନ୍ଦ,
ସବୁରି ହୃଦୟେ ଭରି ଦେଇପାର
ଦିବ୍ୟ ପ୍ରେମର ଆନନ୍ଦ ।
ଛଳ ଛଳ ତୁମ ଜୀବନ ଗୀତିକା
ଜଳ ଛବିପରି ଝଟକେ,
ଯେତେ ଦୂରେ ଥିଲେ ତୁମ ପାଇଁ ବଂଧୁ
ଏ ମନ କାହିଁକି ଅଟକେ ।
କବି କଳାକାର ହୃଦୟ ମନ୍ଦିର
ସେନେହ ପ୍ରୀତିର ଛନ୍ଦ
ସପନେ ବଞ୍ଚିବା ନିଜକୁ ଖୋଜିବା
କଳାରେ କଳାରେ କୋଣାର୍କ ଗଢିବା
ମହାନ୍ ଉଦାର ଭାବ ।
କଳାକାର ବଂଧୁ ଯିଏ ନିଜେ କାନ୍ଦି
ଅନ୍ୟ ମୁହେଁ ଆଙ୍କେ କ୍ଷୀଣ ହସରଧାର
ସେଇ ବଂଧୁ ପ୍ରଭାକର ସାହୁଙ୍କ
ବଂଧୁତ୍ବର ଏକବର୍ଷ ପୂର୍ତ୍ତି ଅବସରରେ ।
ଜୟ ଶ୍ରୀ କୃଷ୍ଣ ।