ବିବାହ
ବିବାହ
ଗାଁ ରୁ ହଜିଲା ଗୋରୀ କନିଆଁ
ଗାଁ ଯାକ ଟୋକା ହେଲେ ଛାନିଆଁ ।
କାହା ସଙ୍ଗେ ସିଏ ପଳେଇଗଲା
ଗାଁ ସାରା ନିଆଁ ଲଗେଇଦେଲା ।
ସାହିପଡ଼ିଶା ଟାହିଟାପରା ହେଲେ
ଟୋକାମାନେ ସବୁ ଅଣ୍ଟା ଭିଡ଼ିଲେ ।
ଗାଁ ର ଇଜ୍ଜତ ପଦାକୁ ଗଲା
ଗାଁ ସନମାନ ତଳେ ପଡ଼ିଲା ।
ସାରା ରାଇଜଟା ଖୋଜା ପଡିଲା
ଶେଷରେ କନିଆଁ ଧରାପଡ଼ିଲା ।
ପାଖ ଗାଁ ପିଲା ସାଙ୍ଗରେ ଥିଲା
ଅଲଗା ଜାତିର ପିଲାଟି ଥିଲା
ଗାଁର ମୁଣ୍ଡରେ ସଭା ବସିଲା ।
ଗାଁ ଲୋକ ସବୁ ନିଷ୍ପତି ନେଲେ
ଦାରୋଗା ବାବୁ କୁ ଆସି କହିଲେ।
ଦାରୋଗା ବାବୁ ସବୁ ଶୁଣିଲେ
ଦାରୋଗା ବାବୁ ଆକଟ କଲେ
ସରକାରୀ ନିୟମ ବୁଝେଇଦେଲେ ।
ଅଠର ବରସ ଝିଅକୁ ହେବ
ଏକୋଇଶ ବର୍ଷ ପୁଅର ଥିବ
ତେବେ ଯାଇ ବାହା ହୋଇପାରିବ ।
ନିଜ ଇଚ୍ଛାରେ ବାହା ହୋଇ ପାରିବେ
ବିରୁଦ୍ଧ କରିଲେ ଜେଲ ଯିବେ ।
ଗାଁ ଲୋକ ସବୁ କଥା ବୁଝିଲେ
କାନ ମୁଣ୍ଡ ଆଉଁସି ଚୁପ ରହିଲେ ।