ଭାରତ ମାତା

ଜୟ ଭାରତ ମାତା ଚିର ବନ୍ଦିତା

ତୋ ଚରଣେ ନତ ମସ୍ତକ

ସ୍ନେହ ମୈତ୍ରୀ ଡୋରରେ ବନ୍ଧା ଏଠାରେ

ସଭିଏଁ ମାତାର ପୂଜକ ।

ମୁକୁଟ ପରାଏ ହିମାଳୟ ସୋହେ

ଚରଣ ପଖାଳେ ସାଗର

ନଦୀ ବନ ପର୍ବତ ଦେହେ ଶୋଭିତ

ଏସବୁ ତାର ଅଳଙ୍କାର ।

ମସ୍ଜିଦ ମନ୍ଦିର ଗୀର୍ଜା ଗୁରୁଦ୍ଵାର

ଗୀତା ବାଇବେଲ କୋରାନ

ଶରୀରରେ ଭିନ୍ନ ହୃଦୟେ ଅଭିନ୍ନ

ଗୋଟିଏ ଗର୍ଭରୁ ଜନମ ।

ପ୍ରେମେ ବନ୍ଧା ଏଠି କୁଡିଆ କି କୋଠି

ତ୍ରିରଙ୍ଗା ତଳେ ଏକ ସମ

ଆସି ଶତ୍ରୁ ହୋଇ ସାଜିଛି ସେ ଭାଇ

ତୁଟିଚି ମନୁ ସର୍ବ ଭ୍ରମ ।

ମହାନ ମୋ ଦେଶେ ଐକ୍ୟ ଭାବ ହସେ

ଗର୍ବିତ କୋଳେ ତା ସନ୍ତାନ

ହାରି ନାହିଁ କେବେ ମୁଣ୍ଡ ଟେକି ଭବେ

ଚାଲିଛି ଏଡି ବାଧାବିଘ୍ନ ।

ଭିନ୍ନ ବେଶଭୁଷା ଭିନ୍ନ ଏଠି ଭାଷା

ଗୁନ୍ଥା ଯେ ଗୋଟିଏ ମାଳରେ

ସଭିଏଁ ସମାନ ନିମ କି ଚନ୍ଦନ

ବୈରଭାବ ଭୁଲି ଅଚିରେ ।

ସର୍ବେ ଭବନ୍ତୁ ସୁଖୀ ହୃଦୟେ ରଖି

ନୟନେ ଭରେ ସୁଖ ସ୍ଵପ୍ନ

ବିଧାତା ପୟରେ କାମନା ଯେ କରେ

ମା କୋଳେ ଲଭେ ପୁନର୍ଜନ୍ମ ।।।

ପଦ୍ମାଳୟା