ଅକ୍ଷୟ ତୃତୀୟା
ଅକ୍ଷୟ ତୃତୀୟା
ବୈଶାଖ ଶୁ୍କଳ ତୃତୀୟ ଦିବସେ ଅକ୍ଷୟ ତୃତୀୟା ଆସି
ଅକ୍ଷୟ ହେବ ବୀଜ ଏ ଆଶାରେ ଅକ୍ଷି ମୁଠି ବୁଣେ ଚାଷୀ ।
ଶ୍ରୀଗୁଣ୍ଡିଚା ଶ୍ରୀ ପଞ୍ଚମୀ ପରି ଏହି ଦିନର ମହତ ଭାରି
ପାଂଜିର ମୁହୁର୍ତ୍ତ ଲୋଡା ହୁଏନାହିଁ ଶୁଭ କାର୍ଯ୍ୟ ଯେତେ କରି ।
ଜଗନ୍ନାଥଂକର ରଥ ନିର୍ମାଣର ଅନୁକୁଳ ଏହି ଦିନ
ବିଶ୍ୱକର୍ମା ମାଥେ ଶିରପା ବାନ୍ଧିବେ ଗଜପତି ରାଜା ଜାଣ ।
ଅଳଙ୍କାର ବେପାରିଏ ମଉକାରେ ଚଉକା ଛକାଟି ମାରି
କହେ ସୁନା ହୀରା ଘରକୁ ଆଣିଲେ ଧନରତ୍ନ ଯିବ ଭରି ।
ବିନିଯୋଗ ପାଇଁ ଅନୁକୁଳ ସିନା ଘରେ ରଖିଲେକି ବଢେ
ଗୋଦରା ଗୋଡରେ ଚାଷ କରୁଥିଲେ ଯେତେ କୋଡେ ସେତେ ମାଡେ ।
ଅକ୍ଷୟ ତୃତୀୟା ପବିତ୍ର ଦିନରେ ମିଳୁ ଏହି ବରାଭୟ
ଅକ୍ଷୟ ହେଉ ପୁଣ୍ୟ ଜଗତେ ଧରମର ହେଉ ଜୟ ।