ତୁମେ ମୋ ପ୍ରେୟସୀ

ତୁମେ ମୋ ପ୍ରେୟସୀ ମନର ମାନସୀ

ମନ ମୋର ନିତି ଘାରେ

କହିବି ବୋଲି ମୁଁ କହିପାରେ ନାହିଁ

ନିତି ବସି ଖାଲି ଝୁରେ

କାମନାରେ ପ୍ରେମ ହେଉଛି କି ବାମ

ମନେ ଆସେ ଅଭିଯୋଗ

କହିବି କିପରି ମୋ ପ୍ରେମ ମୋଠାରେ

ନାହିଁ ବୋଲି ଅନୁରାଗ

କେତେ ଅନୁନୟ ହୁଏ ମୋ ପ୍ରଣୟ

ମନ କଥା ମୋର ଜାଣି

ହୃଦୟର ବେଗ ହୁଏ ଖର ଖର

ଚାହାଣୀ ରେ ଯାଏ ଟାଣି

ପ୍ରତି ଚାହାଣୀ ରେ ପ୍ରୀତି ପୁଷ୍ପ ବାସେ

ମନ ହୋଇଯାଏ କିଣି

ତୁମ ଇସାରାକୁ ଅପେକ୍ଷା କରିଛି

ହୃଦୟକୁ ନେବି ଜିଣି

ପ୍ରଶାନ୍ତ କୁମାର ହୋତା