ବିରହ ଯନ୍ତ୍ରଣା
ବିରହ ଯନ୍ତ୍ରଣା
1 min
1.3K
ପ୍ରେମେ ହାରି ଛଟପଟ
ବିରହ ପ୍ରେମିକ
ତୁମେ ଗଲାଠାରୁ ତିଳେ
ନାହିଁ ମୋତେ ଭୋକ ।
ଭୁଲିଗଲି ଖିଆପିଆ
ହଜି ଅଛି ନିଦ
ଜୀବନ ଯାତ୍ରାରେ ମୋର
ବଡ ବିଶ୍ବଯୁଦ୍ଧ ।
ନିସ୍ତବ୍ଧ ରାତ୍ରିରେ ନିଜେ
ଝରକା ଖୋଲୁଛି
ତୁମ କଥା ଭାବି ଭାବି
ଲୁହ ଗଡାଉଛି ।
ଭୁଲି ଯାଅ କହିବାଟା
ଅଟଇ ସହଜ
ଭୁଲି କି ପାରିବ ସେହି ?
ଉଦିତ ସୂରୁଯ ।
ଦୀର୍ଘ ଦିନ ସଂପର୍କରେ
ପକାଇଲ ଛିଟା
ତୁମକୁ ଉଠାଇ ନେଲା
ବାଳୁଙ୍ଗା ଟୋକାଟା ।
କିଏ ଭୁଲ କିଏ ଭଲ ?
ନିର୍ଣ୍ଣୟ ଯେ କଷ୍ଟ
ମରିଚିକା ପଛେ ଧାଇଁ
ଆଜି ଛଟପଟ ।
ଯେଉଁଠାରେ ରୁହ ପ୍ରିୟା
ବିତୁ ସୁଖେ ଦିନ
କାନ୍ଦି ପଛେ ଥକିଯାଉ
ମୋ ବେନି ନୟନ ।