ରୂପାଲୋ ରୂପା
ରୂପାଲୋ ରୂପା
ଇଂ ଦାମୋଦର ପଣ୍ଡା
ରୁପାଲୋ ରୁପା ଝୁମୁରୁ ଝୁମ୍ପା
କାନ୍ଦୁଛୁ କିଆଁ କହ ?
କହିଲା ରୁପା ଜହ୍ନ ମାମୁଁକୁ
ଆଣି ମୋ ହାତେ ଦିଅ l
ଡାକିଲେ ବାପା ଜହ୍ନ ମାମୁଁକୁ
ଆ’ ଶରଗ ଶଶୀ,
ରୁପା ଆମର କରେ ଅଝଟ
ତା ହାତେ ପଡ଼ ଖସି l
ଚାହିଁଲା ରୁପା ହାତକୁ ତାର
ହାତରେ ନାହିଁ ମାମୁଁ
କାନ୍ଦିଲା ବେଶୀ, ରାଗରେ ବାପା
କଷିଲେ ଦୁମୁ ଦୁମୁ l
ରୁପାର କାନ୍ଦ ଶୁଣି ଜେଜେ ମା’
ଆସିଲେ ବେଗେ ଧାଇଁ
କାଖକୁ ନେଇ କହିଲେ ‘ଆ’
ଚାନ୍ଦକୁ ଦେବି ମୁହିଁ l
ଆଣିଲେ ପାଣି ଥାଳିରେ ଢାଳି
ରଖିଲେ ରୁପା ପାଶ,
ଥାଳିରେ ଦେଖି ଜହ୍ନ ମାମୁଁକୁ
ରୁପା ହେଲା ହରଷ l
କହିଲେ ମା’ଆ ପାଣିକୁ ଜମା
ଛୁଇଁବୁ ଯଦି ତୋ ଜହ୍ନମାମୁଁ
ଆକାଶେ ଯିବ ଉଡ଼ି l
ହସିଲା ରୁପା ଜହ୍ନମାମୁଁକୁ
ପାଖରେ ଦେଖି ତା’ର
ଅଝଟ ଆଉ କଲାନି ସିଏ
କାନ୍ଦ ହୋଇଲା ଦୂର l