Audio

Forum

Read

Contests

Language


Write

Sign in
Wohoo!,
Dear user,
ବୟସ ର ଅପରାହ୍ନେ
ବୟସ ର ଅପରାହ୍ନେ
★★★★★

© Mamatamanjari Das

Others

1 Minutes   13.5K    4


Content Ranking

ବୟସର ଅପରାହ୍ନେ                        

ଆସ ସାଥୀ ଆମେ ଲେଖିଯିବା କିଛି      

ପ୍ରୀତିର ନୂଆ ଗଜଲ                        

ନଥିବ ସେଥିରେ କାମନା ବାସନା        

ହୃଦୟର ଆବିଳତା                          

ଥିବ ଖାଲି ଶାସ୍ଵତ ପ୍ରେମର ସନ୍ଧାନ ।  

ତୁମେ ହୋଇଯିବ ଗୋପର କହ୍ନେଇ    

ମୁଁ ହେବି ରାଧିକା ରାଣୀ                

ପ୍ରୀତିର ଫଲ୍ଗୁରେ ଲେଖିଯିବା ଆମେ  

ପ୍ରେମର ନୂଆ କାହାଣୀ ।

ତୁମ ତୁଣ୍ଡେ ଥିବ ହରି ହରି ନାମ          

ମୁଁ ଗୁନ୍ଥୁ ଥିବି ମାଳା                          

ମାଳା ଗୁନ୍ଥା ଯେବେ ସରିଯିବ ମୋର    

ଗାଇବା କୃୃଷ୍ଣଙ୍କ ଲୀଳା ।

ମଥୁରାରୁ ଗୋପ ଯେତେ ଲୀଳା ତାଙ୍କ    

ପଢିବା ଯେ ସାଥୀ ହୋଇ                  

ସରିଗଲେ ଗାଥା                            

କୂଟୀର ବାହାରେ ବୟସର ଅପରାହ୍ନେ  

ବଖାଣିବା ଆମ କଥା ।

ଭୁଲିବାନି ଆମ ଯୁବା ବେଳ କଥା        

ଭୁଲିବାନି ଆମ ଅଭୁଲା ପ୍ରେମର ଗାଥା  

ଖାଲି ଭୁଲିଯିବା ସମ୍ଭୋଗ ଲାଳସା        

ପ୍ରଭୁପାଦେ ଦେଇ ମଥା ।

ଦୁଃଖୀ ଜନଙ୍କର ଦୁଃଖରେ କାଟିବା      

ଆମ ବାକି ଜୀବନଟା                      

ତାଙ୍କରି ଦୁଃଖରେ ସମଭାଗୀ ହୋଇ      

ଭୁଲିବା ଜୀବନ ବ୍ୟଥା ।

 

ମଣିଷ ଜୀବନର ଅପରାହ୍ନରେ ସେ ସାଥୀଟି ସହ କିପରି ସମୟ ଅତିବାହିତ କରିବ ତାହା ହଁ କବିତା ।

Rate the content


Originality
Flow
Language
Cover design

Comments

Post


Some text some message..