ପ୍ରେମିକା
ପ୍ରେମିକା
ସତର ପ୍ରେମିକା ଗୀତର ନାୟିକା
ଦେଖା ହୋଇଗଲେ ଦିନେ
କଣ ବା କାହିଁକି ବୁଝାଇବି ତାଙ୍କୁ
ଭାବୁଥିଲି ମନେ ମନେ (1)
ସତ ପଚରିଲେ ମୁଁତ ତୁମ ପାଶେ
ତା ' ପାଇଁ କାହିଁକି ଲେଖ ?
ଧୀରେ ମୁଁ କହିଲି କବିତାକୁ ଥରେ
ଅନ୍ତର ରେ ପଢି ଦେଖ (2)
ଟିକିଏ ହସିଲା ହସିକି କହିଲା
ଜମା ବିଶ୍ୱାସ ହେଉନି
ସବୁବେଳେ ଭାବେ ମୋ ପାଇଁ ଲେଖୁନ
ଲେଖୁଛ ଆଉ କା ପାଇଁ (3)
କବିତା ମୋହର କଳ୍ପନା ମନର
କିଛି ସତ କିଛି ସୃତି
ତୁମ ସାଥେ ବିତI ଗଲା ଦିନ କଥା
ସପନ ରେ ଭିଜା ରାତି (4)
କବିତା ତୁମର ପ୍ରଥମ ପ୍ରେମିକା
କେମିତି ଭୁଲିବି କୁହ
ସବୁବେଳେ ତୁମେ ତାର କଥା ଭାବି
ମୋଠାରୁ ଦୂରରେ ଥାଅ (5)
ହସିକି କହିଲି ଜୀବନରେ ମୋର
ପ୍ରଥମେ ସେ ଆସି ଥିଲା
ସେହି ଦିନ ଠାରୁ ଲୁହ ପୋଛି ମୋର
ସାଥି ହୋଇ ରହିଗଲା (6)
ଭୁଲିନି ତାକୁ ମୁଁ ଭୁଲି ପାରିବିନି
ଏଇ ଜୀବନରେ ମୋର
ତୁମ ବାଟେ ତୁମେ ତାର ବାଟେ ସିଏ
ତୁଳନା ନାହିଁ କାହାର (7)