ଆଗାମୀ ମହାଭାରତ
ଆଗାମୀ ମହାଭାରତ
ଧରାଧାମେ ଆନ ଦଣ୍ଡ ଉଠି ଯିବ ଧୀରେ,
ଏକମାତ୍ର ମୄତ୍ୟୁଦଣ୍ଡ ଥିବ ସବୁଥିରେ !!୧
ଶ୍ମଶାନରେ ପରିଣତ ହେବ ବିଶ୍ୱ ସାରା !
ପାଦପେ ଭାଜିବେ ବହି ନର ଦେହ ଭାରା ॥୨
ଶ୍ୱାନ ଗୄଧ୍ର ସ୍ୱାସ୍ଥ୍ୟ ଫୁଲି ହେବ ଅସାମାନ୍ୟ ।
ଗଳି ଗଳି ହେବ ତାଙ୍କ ଅଭୟ ଅରଣ୍ଯ ॥୩
ଏପରି ତ ନାହିଁ କାହିଁ ଗୋଟେ ପରିବାର
ଯେଉଁ ଘରେ କରି ନାହିଁକେହି ପାପାଚାର !!୪
ବାଳକେ ଆସିବେ ଯେବେ ବିଦ୍ୟାଳୟୁ ଫେରି
କହିବେ କେ ଗଲା ଆଜି ଆମ ଘରୁ ମରି ??୫
ଭୁବନେ ଜନନୀ ହେବେ ନିରପତ୍ୟ ନାରୀ:
ଧୄତରାଷ୍ଟ୍ର କହୁଥିବ କାନ୍ଦନା ଗାନ୍ଧାରୀ ॥୬
ବ୍ୟାସ କହିବେ ମନୁଷ୍ୟ ! ରହ ନାହିଁ ଚାହିଁ
ଏଣିକି ଘଟିବ ଯାହା ଦେଖି ହେବ ନାହିଁ ॥୭
. ଲଲାଟେନ୍ଦୁ କବି
. ୨୦୧୮୦୪୨୨-୦୩:୧୦