ତୋ ସାଥେ ଖେଳିବି ଥରେ
ତୋ ସାଥେ ଖେଳିବି ଥରେ
ତୋ ସାଥେ ଖେଳିବି ଥରେ
ଆଜି କଥା କାଲି ଯିବରେ ବଦଳି, ବଦଳେ ବିଲିତା ଲିତା;
ଆଜି ଅଛେ ବୋଲି କାଲି ବି ଗହଳି', କିଏ ସେ ଜାଣ ସେ କଥା? -୧
ଘଡିକରେ ଘୋଡା ଧାଇଁ ଦୂରେ ଛିଡା ପୃଥୀ ଘଡି ଘଡି ଆନ,
କା ଭାଗେ ଲିଖନ ରାଜାର ଆସନ କିଏ ଯିବ ଶମଶାନ ॥ -୨
ମାଟିର ପିତୁଳା ଧରି କଲୁ ଖେଳା ଶଇଶବ ଥିଲା ବେଳେ;
ମାଟି ଖୋଳି ତାଡ଼ି ବାଛିଲୁ ଅଗାଡ଼ି ବୁଡ଼ି ମାଟି ଖେତ ଜଳେ || -୩
ମାଟିର ଠାକୁର ପୂଜିଲୁ କୁମର ମାଟି ଦେବାଗାର ଯାଇ;
ମାଟି କହେ ଧନ ବୁଜି ଦେ ନୟନ, ଆସ ଦେବି କୋଳେ ଶୋଇ ||-୪
ଗଲୁଣି ତୁ ଥକି, ଦେହ ଗଲା ଶୁଖି, ଖେଳନା ରେ ଧନ ଆଉ;
ଶୋଇ ଯା ସହଳ ଉଠିବୁ ସକାଳ, ଆଜି ଲାଗି ଖେଳ ଥାଉ || -୫
ଦେହ ଥିଲା ସୁନା କରି ଦେଲୁ ଚୂନା ଖେଳି ଖେଳି ଖରାଟାରେ;
ହେଲେ ଜାଣୁ କି ନା ତୁ ବି ମୋ ଖେଳନା, ତୋ ସାଥେ ଖେଳିବି ଥରେ || -୬
ଧନ --- ତୋ ସାଥେ ଖେଳିବି ଥରେ ….