Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Prasanna Kumar Madala

Inspirational

3  

Prasanna Kumar Madala

Inspirational

ମାଆ

ମାଆ

1 min
283



ଉଦାସିନୀ ଥାଇ     ହସହସ ଲାଗେ

ଦେଖିଲେ ମାଆର ମୁହଁ

ନିଜର କୋହକୁ     ଛପାଇ ସତେକି

ପିଇଯାଏ ଆଖିଲୁହ ।

ମାଆ ଜାଣେ ସିନା   ସନ୍ତାନକୁ ଦେଖି

ଅନ୍ତର ବେଦନା ଯାକ

ହଜମ କରେ ସେ   ନିଜଦୁଃଖ ଯାହା

ମାଡେନି ପିଲାଙ୍କ ପାଖ |

ନିଜ ଦୁଃଖ ଚାପି     ସନ୍ତାନର ପାଇଁ

କାମନା କରେ ଯେ ସୁଖ

ପଣତ କାନିରେ   କୋହ ପୋଛିଦେଇ

ସାଜିପାରେ ପୂରା ମୂକ ।

ଜୀବନର ଯେତେ     ଧର୍ମ ଅରଜନ

ଉତ୍ସର୍ଗି ସଭିଙ୍କ ପାଇଁ

ପ୍ରତିଦାନେ କେବେ    ପରିବାର ଠାରୁ

କିଛି ଆଶା ରଖେ ନାହିଁ ।

ପିଲାଙ୍କ ମଙ୍ଗଳେ     ପୂର୍ବ କଷ୍ଟ ଭୁଲି

ସମସ୍ୟା ଆଗରେ ଯୁଝି

ଦୁଃଖିନୀ ହେଲେ ବି ମାଆ ଏକା ପାରେ

ପିଲା ମନକଥା ବୁଝି ।

ମାତା ମୁଖ ଗୋଟି    ଚନ୍ଦ୍ରମା ସମାନ

ମଧୁ ପୀୟୂଷର ଧାରା

ସାନିଧ୍ୟେ ତାହାର     ଅପସରି ଯାଏ

କୋଟି ପାପତାପ ଭାରା |

ମାଆ ଡାକ ଏହି    ସଂସାରରେ ସାର

ମମତାର ମଧୁ ଝରେ

ବିପଦ ଆପଦେ     ଶାନ୍ତିସୁଧା ମିଳେ

ମାଆ ନାମ ସ୍ମରଣରେ ।




Rate this content
Log in