ଭକ୍ତ ପଦରଜ
ଭକ୍ତ ପଦରଜ
1 min
261
ଆର୍ତ୍ତନାଦ କରି ଡାକ ଦେଲା କରୀ
ଘୋରଜଳେ ଯେବେ ଡୁବେ
ଊର୍ଦ୍ଧ୍ବେ ତୋଳି କର ବୋଲେ ରକ୍ଷା କର
ଅକାଳେ ବିପତ୍ତି ଲଭେ
ଗ୍ରାହ ନିଏ ଟାଣି ଆହେ ଚକ୍ରପାଣି
ଶୁଣିବ ନାହିଁ କି ତୁମ୍ଭେ
ତା'ର ଗର୍ଜନରେ ଲକ୍ଷେ ଯୋଜନରେ
ଲକ୍ଷ୍ମୀନାହା ପଦ୍ମନାଭେ
ତତ୍କାଳେ ସତେ କି ଶୁଭେ
ଗରୁଡେ ସୁମରି ଭକତେ ତୁମରି
ସାହା ହେଲ ଅବିଳମ୍ବେ ।
ଚଳାଇଲ ଚକ୍ର ନାଶିବାକୁ ନକ୍ର
ଧରିଥିଲା ବୋଲି ପାଦ
ଉଦ୍ଧାରିଲ ବୋଲି ପଦ୍ମ ଏକ ତୋଳି
କରୀ କରେ ଧନ୍ୟବାଦ
ଗଜେନ୍ଦ୍ରକୁ ରଖି ଭାବକୁ ପରଖି
ଫେଡାଇଲ ଅବସାଦ
ବିଷ୍ଣୁଯାନେ ବସି ଗ୍ରାହ ପାଏ ହସି
ମୁକ୍ତିପଥ ପରସାଦ
କି ଲାଗି କରନ୍ତି ବାଦ
ହରି ହରି ଭଜ ଭକ୍ତ ପଦରଜ
ହରିନିଏ ପରମାଦ ।