ମୃତ୍ୟୁ

ଜନ୍ମ ଥିଲେ ମୃତ୍ୟୁ ଆସିବ ନିଶ୍ଚିତ

ଏକଥା ଅଟଇ ସତ

ମଝିରେ ରହିଛି ଚାଲିବା ପାଇଁକି

ଜୀବନର ଦୁଇ ପଥ ।

ଏକ ପଥେ ଥାଏ ସତ୍ୟ ନ୍ୟାୟ ଧର୍ମ

ଅନ୍ୟଟି ଯେ ବିପରୀତ

ଯେଉଁ ପଥେ ଗଲେ ପହଞ୍ଚିବ ଯାଇ

ଦିନେ ତୁମେ ମୃତ୍ୟୁ ପାଶ ।

କଣ୍ଟକିତ ପଥେ ଚାଲୁଥିଲେ ତୁମେ

ନିଶ୍ଚିତ ରକ୍ତାକ୍ତ ହେବ

ଶେଷ ଦ୍ୱାର ପାଖେ ପହଞ୍ଚିବା ଆଗୁ

କେତେ ଥର ମରିଥିବ ।

ସତ୍ୟର ପଥରେ ବାଟ ଚାଲୁଥିଲେ

ମିଳିବ ସ୍ନେହ ଆଦର

ଜୀବନ ପାଇଁକି ଅଟେ ପରା ତାହା

ଏକ ବଡ଼ ପୁରସ୍କାର ।

ଦୁର୍ନୀତି କରିଲେ କୁକର୍ମେ ମାରିଲେ

ସ୍ୱାର୍ଥରେ ହୋଇଲେ ବନ୍ଧା

ଭଲପାଇବେନି ଜୀବନରେ ଜମା

ପାଉଥିବ ଖାଲି ନିନ୍ଦା ।