ମା
ମା
ମା === ତୁ କେବେ ମାଗିନୁ ତୋର ମମତାର ମୂଲ ।
ମୁଁ କାନ୍ଦିଲେ ତୋ ଆଖିରୁ ଝରେ ଲୁହ
ଧାଇଁ ଆସି କୋଳେ ନେଉ ତୋଳି କରୁ କେତେ ଗେଲ ।।
ମୁଁ ହସିଲେ ତୋ ପେଟ ପୁରିଯାଏ,
ତୋ ଓଠରୁ ଝରିପଡେ ହସ ।
ମୋ ଶୁଭ ମନାସଉ ସଦା କରି
କେତେ ବ୍ରତ ଉପବାସ ।।
ମୁଁ କେବେ ପଡିଲେ ରୋଗରେ
ତତେ ସବୁ ଦିଶଇ ଅନ୍ଧାର ।
ମୋ ପାଖରେ ବସୁ
ଉଜାଗରେ ଦିନ ରାତି କରି ଏକାକାର ।।
ମୁଁ ଯେତେ ଅସୁନ୍ଦର ହେଲେ
ତୋ ପାଇଁ ମୁଁ ରାଜାର କୁମାର ।
ଡେରିହେଲେ ମୋ ଫେରିବା ବେଳ
ଯାଉଥାଉ ଦୁଆରୁ ଦାଣ୍ଡକୁ ଆଉ ଦାଣ୍ଡରୁ ଦୁଆର ।।
ଯେତେ ବଡ ହେଲେ ବି
ମୁଁ ସବୁବେଳେ ଛୋଟ ତୋ ଆଖିରେ ।
ସୁଖି ଯାଇଥିଲେ ମୁହଁ ମୋର
ପୋଛିଦେଉ ପଣତ କାନିରେ ।।
ନିଜେ ନଖାଇ ତୁ ମୋ ପାଇଁ ରଖି ଥାଉ ।
ତୋ ଛଡା ଏ ଦୁନିଆରେ
ଏପରି କିଏ ସେ କରିବ ବା ଆଉ ।।
ଯେତେ ଅଭାବରେ ଥାଇ ବି ତୁ
ସବୁ ଇଛା ମୋର କରିଛୁ ପୁରଣ ।
କେବେହେଲେ ଦେଇନାହୁଁ
ଜାଣିବାକୁ ଅଭାବ କଅଣ ।।
ତୋ କୋଳରେ ଯଦି କେବେ
ମୁଣ୍ଡ ରଖି ଯାଏ ମୁହିଁ ଶୋଇ ,
ମୋ ମନର ଯେତେ କଷ୍ଟ
ଯେତେ ବା ବେଦନା ଭୁଲିଯାଏ ମୁହିଁ ।।
ସବୁ କଷ୍ଟ ନୀରବରେ ସହିଯାଉ ବୋଲି
ଏ ସଂସାରେ ତୁ ସର୍ବସଂହା ।
କାହାରି ଯନ୍ତ୍ରଣା ଦେଖିଲେ
ତୋ ତୁଣ୍ଡରୁ ବାହାରଇ 'ଆହା' ।।
ଏ ସଂସାରେ କେହି କେବେ
ହେବେନାହିଁ ତୋର ସମତୁଲ ।
ତୋ ଠାରେ ସମସ୍ତେ ଋଣୀ
ଦେଇକେ ପାରିବ ତୋ ମମତାର ମୂଲ ?
******