ସଞ୍ଜ ନଇଁ ଗଲାପରେ

ସଞ୍ଜ ନଇଁ ଗଲାପରେ

ସାଥି ତୁମ ସ୍ମୁତି ଫେରେ

ନିଛାଟିଆ ନିରୋଳା ମୋର କାଚ ଘରେ

ତୁମବିନା ଜୀବନରେ ଯିଏ

ନିତି ଝୁରେ, ନିତି ମରେ

ସାଥି ତୁମେ ଫେରିଆସ ଥରେ

ଥାଅ ଅବା ଯେତେ ଦୂରେ.....

ତୁମେ ଚାଲିଯିବା କଥା ଲାଗୁନାହିଁ ସତ

ଏବେବି ଶୁଭୁଛି ପ୍ରିୟା

ଚାନ୍ଦିନୀ ରାତିର ସେହି ମିଠା ମିଠା ଗୀତ

ଯେଉଁ ସ୍ୱର ମତେ ପାଗଳ କରେ

ଯେଉଁ ସ୍ବପ୍ନ ନୀତି ଦେଖେ ନିତି ଝୁରେ

ନିଛାଟିଆ ନିରୋଳା ମୋର କାଚ ଘରେ

ସଞ୍ଜ ନଇଁ ଗଲାପରେ

ଅମାନିଆ ଆଖିରୁ ମୋର

ଲୋତକ ଝରେ,

ମନରେ ମୋ କୋହ ଭରେ,

ହୃଦୟ ଅପେକ୍ଷା କରେ,

ମରମ ତଳର ଅକୁହା କଥାକୁ

କହିବାକୁ ଗୋପନରେ

ଚାତକ ପରି ମୁଁ ଚାହିଁ ରହିଥାଏ

ଠିକ ସଞ୍ଜ ନଇଁ ଗଲାପରେ ...

ଲେଖିକା - ରୋଜା ପଣ୍ଡା

ପୂର୍ଣ୍ଣାନନ୍ଦ ଭବନ

ନେତାଜୀ ନଗର,ମଧୁପାଟଣା,କଟକ-୭୫୩୦୧୦