Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Bidyutprabha Gantayat

Inspirational Others

3  

Bidyutprabha Gantayat

Inspirational Others

କବିତାର କୋଣ ଘର

କବିତାର କୋଣ ଘର

1 min
6.7K


ତୁ ଏଠି କାହିଁକି ବସିଛୁ

ଏକୁଟିଆ ଅନ୍ଧାରରେ !

ମନସ୍ତାପ କରୁଛୁ ନା?

ତୋତେ କେହି ବୁଝିଲେ ନି

ସେମାନେ ତ

ନିଜକୁ ବୁଝିନାହାନ୍ତି

ତୋତେ କେମିତି

ବୁଝିବେ ଯେ !

ଆଲୁଅକୁ ଆସିବୁନି

ଦି ଆଣ୍ଠୁରେ ମୁଣ୍ଡ ଗୁଞି

ବସିଥିବୁ,

କେତେଦିନ ?

ଚକମକି ପଥର ତୁ

କୋଣ ଘର ଅନ୍ଧାରରେ

କେମିତି ତୁ ଅଛୁ ଭଲା ।

ତନ୍ତ୍ରୀରେ ତନ୍ତ୍ରୀ ବାଜିଲେ ତ

ଚନ୍ଦ୍ର ଉଦିଆ ଝଲସିବ

ବସି ତୁ ପାରିବୁ ତ?

ତୁ ନ ଥିଲେ ବାସ୍ନା ନାହିଁ

ପ୍ରାଣରେ ପୁଲକ ନାହିଁ ,

ଋତୁରେ ସ୍ଵୀକାର ନାହିଁ

ମାଟିରୁ ମହାସାଗର

ମନରୁ ଅରଣ୍ୟ ଅମ୍ବର

ବ୍ୟାପିଛି ତୋ ବାସ୍ନାୟିତ ଡେଣା ।

କସ୍ତୁରୀ ମୃଗ ପରି

ନିଜ ମହକରେ ସମ୍ମୋହିତ ହେବା

ତୋ ଦେଇ ହେଲାନି

ଆ' ଆଲୁଅ କୁ ଆ'

ଚାରିଆଡ଼େ ଚାହାଁ

ନିର୍ମଳ ଆକାଶ , ଜହ୍ନ ତାରା

ଦିନ ର ସୁନେଲି ଖରା ...

ବର୍ଷା ରେ ମେଘ ପସରା

ପାହାଡ କୋଳରେ ତୋ ପରି

ନଈଟିଏ...

ଭାରି ଅଭିମାନୀ

ଆପଣା ତାଳ ଲୟରେ

ଅବିରତ ଗୁମ୍ ସୁମ୍

ପ୍ରକୃତିର ଏତେ ରୂପଛଟା

ଏତେ ମାଦକତା !

ଏମାନଙ୍କୁ ବୁଝେ କିଏ

ସବୁରି ଭିତରେ ତ

ଦୀର୍ଘଶ୍ବାସଟିଏ।

*****

ଡ.ବିଦ୍ୟୁତପ୍ରଭା ଗନ୍ତାୟତ


Rate this content
Log in