Audio

Forum

Read

Contests

Language


Write

Sign in
Wohoo!,
Dear user,
ଭେଦଭାବ ହରା
ଭେଦଭାବ ହରା
★★★★★

© Prasanna Kumar Madala

Others

1 Minutes   6.7K    4


Content Ranking

ଇଏ କି ଆରତ            ମୋ ଦେଶ ଭାରତ
               ଅଖଣ୍ଡ ରହିଛି କହି
ବିଚରି ଜଗତ                ବୋଲାଅ ଭଗତ
            ଏତେ ଭେଦଭାବ ବହି ।
ଯାଇନି ତ ଭୁଲି             ଦେଶ ସାରା ବୁଲି
             ଦେଖିଲି ବିବିଧ କର୍ମ
ଐକ୍ୟଭାବ ଟାଳି          ହିଂସା ଦ୍ଵେଷ ଜାଳି
             ପ୍ରସାର ଆପଣା ଧର୍ମ ।
ପତ୍ର ଫୁଲ ଯାକ             ଗଛେ ରହି ତାଙ୍କ
              କରୁଥାନ୍ତି ନିଜ କାମ
ସେହି ମତେ ଏକ            ନରହି କି ଟେକ
             ଥିବ କି ଜଗତେ ଆମ ?
ସବୁ ଥାଇ ଭିନ୍ନ               ସୁଖେ ଯିବ ଦିନ
            ପରସ୍ପରେ ହେଲେ ସାହା
ଦୁଃଖୀ ଆଉ ଦୀନ           ରହିବେନି ହୀନ
             ବଢାଇ ଥିଲେ ଏ ବାହା ।
ଏତେ ବଡ ଦେଶ       କେତେ ଭାଷା ବେଶ
             ବିଭିନ୍ନ ପ୍ରାନ୍ତରେ ଥାଇ
ରହିବ କି ଲେଶ            କୁଟୁମ୍ବରେ କ୍ଳେଶ
            ସମାଦରେ ଥିଲେ ଭାଇ ?
ବିଦେଶୀ ଶାସକ              ଏକତା ନାଶକ
           ବୀଜ ରୋପିଛନ୍ତି ଯେତେ
ତା' ଫଳେ ପୋଷକ        ସାଜିଛି ଶୋଷକ
            ବ୍ୟୂହ ରଚାଇଣ ଏତେ ।
ବଞ୍ଚିବାର ପାଇଁ             କର୍ମକ୍ଷେତ୍ରେ ଧାଇଁ
            ଗରିବ ଚାଷୀ ଓ କୁଲି
ଖଟୁଥାନ୍ତି ଯାଇ            ଯାହା ଗଣ୍ଡେ ଖାଇ
           କୁଟୀରେ ନଜଳେ ଚୂଲି ।
କର୍ମ ତ ନଚଳେ             ଜାତି ଧର୍ମ ବଳେ
            ଏକଥା ନୁହେଁ କି ସତ
ପରିସ୍ଥିତି ଫଳେ             ମହାରଥୀ ଟଳେ
            ବିଦ୍ବେଷେ ନରହ ରତ ।
ଆମ ଦେଶ ପରା             ବିବିଧତା ଭରା
             ମନୋହର ଉପବନ
ହସୁଥିବ ଧରା               ଭେଦଭାବ ହରା
            ଥିଲେ ସିନା ଆମ ମନ ।

            ପ୍ରସନ୍ନ କୁମାର ମାଦଳା

ଦେଶ ଧର୍ମ ଧରା

Rate the content


Originality
Flow
Language
Cover design

Comments

Post


Some text some message..