ଆସିଲେ କହିବି
ଆସିଲେ କହିବି
ଆସିଲେ କହିବି ତୁମକୁ
ଭଲ ପାଇବାର ଦିନ ସବୁ
କେମିତି ଆଖିରେ ଲହଡି ଭାଙ୍ଗେ,
ବଂଶୀ ତୁହାଇ ତୁହାଇ
କେମିତି ତୁମ ନାଁ ଫୁଙ୍କେ ।
ସୁନାର ହରିଣୀ ଡେଇଁ ଡେଇଁ
କେମିତି ଆଖିରେ ଝଲସେ,
କେମିତି ଦାନ ବାନ୍ଧି ଥାଏ
ଶାମୁକା ଭିତରେ ମୁକ୍ତାଟିଏ ।
ପକ୍ଷୀଙ୍କ କୁଜନରେ କେମିତି
ତୁମ ସ୍ମୃତିର ଗଜଲ ବାଜୁଥାଏ ,
ପକ୍ଷୀ ଓ ପକ୍ଷୀଣୀ କେମିତି
ଚଞ୍ଚୁରେ ଚଞ୍ଚୁ ଘସି
ପରସ୍ପରକୁ ମନ କଥା କହୁଥାଏ ।
ଲୋଡ଼ା ନାହିଁ ମୋର
ସେଇ କାମନା
ଯାହା ଦେହକୁ ଜାଳେ
ବିଷର ଜ୍ୱାଳାଠୁ
ଆହୁରି ଜ୍ବଳନ
ଯାହା ଦେହରୁ ମନକୁ ଚରେ ।
ଲୋଡ଼ା ନାହିଁ ମୋର
ଦେହ କି ଦେହର ଉସ୍ମତା,
ଲୋଡ଼ାଟିକେ ବିଶୁଦ୍ଧ ଚିତ୍ତରେ
ତୁମ ଶାଶ୍ୱତ ପ୍ରେମର ଅମୃତ ।
********