ହୁଅ ହେ ତୋଷ

ସଦାଶିବ ଆଶୁତୋଷ ହୁଅ ପ୍ରସନ୍ନ ,

କୃପାବହି ମୋତେ ଦେବ ଦିଅ ଦର୍ଶନ ।

ଭୂତନାଥ ,ଉମାକାନ୍ତ, ଶ୍ରୀ ମହେଶ୍ବର ,

ଚରଣରେ ପ୍ରଭୋ ତୁମ କୋଟି ଜୁହାର ।

ହେ ଚନ୍ଦ୍ରଶେଖର,ନୀଳକଣ୍ଠ ,ମହେଶ,

ଏ ଅବୋଧ ଭକ୍ତପରେ ହୁଅ ହେ ତୋଷ ।

କୃପାବହି ଦିଅ ଦେବ ହେ ଦିବ୍ୟଜ୍ଞାନ ,

ସେ ଜ୍ଞାନ ଲଭିଲେ ମୁହିଁ ହୋଇବି ଧନ୍ୟ ।

ଅଳପେ ସନ୍ତୋଷ ହୁଅ ଅଛି ପ୍ରବାଦ,

ଦୂରକର ଏଣୁ ମୋର ସବୁ ପ୍ରମାଦ ।

ତୁମେ ଦୟାକଲେ-ହେବ ଦୂରିତ ନାଶ,

ସଂସାରରେ ଅମଳିନ ରହିବ ଯଶ ।

ବି. ନିରୁପମା

ମାମୁରିଆ, ଛେଣ୍ଡିପଦା,ଅନୁଗୋଳ।