ପୂଣ୍ୟଭୂମି ଉତ୍କଳ ପ୍ରଦେଶ
ପୂଣ୍ୟଭୂମି ଉତ୍କଳ ପ୍ରଦେଶ
ପୂଣ୍ୟଭୂମି ଉତ୍କଳ ପ୍ରଦେଶ
ମନ୍ଦିର ଆଉ ଦେବାଳୟେ ଗଢା
ଉତ୍କଳ ଏକ ପ୍ରଦେଶ
କେତେ ଆଶ୍ରମ ତପୋବନ ସମ
ନିରୁପମ ପରିବେଶ ।
ତେତିଶ କୋଟି ଦେବାଦେବୀ ଏଠି
ବିରାଜିତ ସଶରୀରେ
ସେହି ଛାୟାତଳେ ଆମେ ରହୁଅଛୁ
ଅନାବିଳ ଶାନ୍ତିରେ ।
ଧ୍ୟାନ ଗମ୍ଭୀର ସୁଦୃଶ ପାହାଡ
ପାଖେ ସମତଳ ଭୂମି
ବୃହଦାରଣ୍ୟ ଏକ ଅନନ୍ୟ
ସ୍ଥିତ ଅମ୍ବର ଚୁମ୍ବି ।
ସୁନାର ଫସଲ ଫଳିଥାଏ ଏଠି
ସୁନା ମୃତ୍ତିକା ପରେ
ମିଠା ଜଳଭରା, ବହେ ନଦୀ ଧାରା
ସବୁ ଦିନେ ସବୁ ବେଳେ ।
ନୀଳାକାଶ ତଳେ ଗର୍ଜନ କରେ
ସାଗରର ଜଳରାଶି
ଜୋଛନା ରାତିରେ ବେଳାଭୂମି ପରେ
ଚନ୍ଦ୍ରମା ପଡେ ଖସି ।
ଖଣିଜ ରତନ ଅନନ୍ତ ଧନ
ବକ୍ଷେ ରଖିଲେ ଧରି
ସ୍ନେହମୟୀ ମାତା ଅପାର ମମତା
ଉତ୍କଳ ଈଶ୍ଵରୀ ।
ବିଦ୍ୟା~ବୁଦ୍ଧି କଳା କୌଶଳ
ଆଧ୍ୟାତ୍ମିକ ଜ୍ଞାନ
ଶରଧା-ଭକତି ଦାନ-ଧ୍ୟାନ ପ୍ରୀତି
ବିନୟ ପ୍ରଦର୍ଶନ ।
କାବ୍ୟ-କବିତା, ନୃତ୍ୟ-ଗୀତାଦି
ସବୁଥିରେ ପରିପୂର୍ଣ୍ଣ
ପ୍ରଭୁ ଜଗନ୍ନାଥ ଷୋହଳ ଅଣା ଆଣି
ହେଲେ ଏଠି ଅବତୀର୍ଣ୍ଣ ।
ଶତ ମୁନି ଋଷି ସାଧୁ ଅବତାର
କରିଲେ ପଦାର୍ପଣ
ସର୍ବଶ୍ରେଷ୍ଠ ପୂଣ୍ୟ ଭୂମିକୁ
ଲଭିଲେଣି ଜନଗନ ।