କାର୍ତ୍ତିକିଆ ରାତି ଶିଶିରରେ ମାତି

କାର୍ତ୍ତିକିଆ ରାତି ଶିଶିରରେ ମାତି

 

ଆଭାକାନ୍ତ ମହାନ୍ତି

 

କାର୍ତ୍ତିକିଆ ରାତି ଶିଶିରରେ ମାତି

       ଶୀତ ଆଇଲାରେ ଶୀତ ଆଇଲା

ଯଉବନୀ ଫୁଲେ ଦେଖି ମତୁଆଲେ

       ଜିଦିରେ ମଧୁପ ମନ ମୋହିଲା । ୦ ।

 

ଅଶିଣ ଚାନ୍ଦିନୀ ଚମକଚିଆଁ

ଚହଟି ନଥିଲା ଫୁଲର ନାଆଁ

ଡାଳି କାଖେ ଥିଲା କଳି କନିଆଁ

ଏଇ ବେଳେ ମନ ସରଗଛୁଆଁ

ରାତିରେ ଗାଧୁଆ ରଙ୍ଗ ସକାଳୁଆ

       ମତୁଆଳି ମନ ମିତେ ଚାହିଁଲା । ୧ ।

 

ଫୁଲେଇ ଫୁଲର ଚାତର ଦେଖି

ପିଆସୀ ପୁରୁଷ ପାରେ ପରଖି

ମହକ ମୋହକୁ ମନରେ ମାଖି

ପଇଁତରା ମାରେ ପବନେ ଫାଙ୍କି

ଚିବୁକ ଚୁମିବା ଆଶା ରଖି ଚିତ୍ତେ

       ଉଡ଼ି ଗୁଣୁଗୁଣୁ ଗୀତ ଗାଇଲା । ୨ ।

 

ନୂଆସାହି, ବିଡ଼ାନାସୀ

କଟକ-୭୫୩୦୧୪

ଫୋନ୍-୯୦୪୦୦୦୩୧୦୧

*****