Library
ଲୀଳାମୟ ପ୍ରଭୁ
ଲୀଳାମୟ ପ୍ରଭୁ
କର ଯୋଡ଼ି କରେ ପ୍ରଣାମ
ଘେନା କରିବ ପ୍ରଭୁ
କରୁଣା ସାଗର ତୁମେତ
ତୁମ ଦୟାରେ ସବୁ
ଆଷାଢେ ବର୍ଷୁଛି ବରଷା
କରେ ବଡ ଅଥୟ
ଖରା ପରଖିଲେ ଖଗରେ
ସିନା ଛାଡିବ ଭୟ
ଗଗନ ପବନ ବହୁଛି
ହେରା ପଞ୍ଚମୀ ହେବେ
ରାଗ ଅଭିମାନ କ୍ରୋଧ ରେ
ଲକ୍ଷ୍ମୀ ରଥ ଭାଙ୍ଗିବେ
ଲକ୍ଷ୍ମୀ ମାତା କ୍ରୋଧ ଦେଖାଏ
ଜୀବ ଘଟରେ ପାଏ
ସତେ ଅନ୍ତ ହେବ ଜୀବନ
ଆତ୍ମା ତନୁକୁ ଦାହେ
ଘର କରିଥିଲେ ଘଟରେ
ଘର ହୁଏ ସଙ୍କୁଳ
ମାନ ଅଭିମାନ ନଘଲେ
ଘନ ଘମାର କାଳ
ହେରା ପଞ୍ଚମୀ ରେ ହରଷି
ଜଗା ଦେବେ ଭରସା
ଦେଖୁ ଦେଖୁ ମନ୍ଦ ପବନେ
ରାଗ ଯିବ ସହସା
ଲକ୍ଷ୍ମୀ କୋପ ଦେଖି ଭାବନ୍ତି
ଘର କେମନ୍ତ ବହେ
ବିଜୁଳି ବତାସ ବାୟାରେ
ଯଥା ଜୀବନ ଦାହେ
ଆସୁଛି ବିଷାଦ ମନରେ
ଏକି ଅଜବ ପ୍ରଥା
ଯାଠାରେ ପ୍ରେମର ବରଷା
ପୁଣି ତାଠାରୁ ବ୍ୟଥା
କରୁଛି ମିନତୀ ପ୍ରଭୁ ହେ
ମନେ ରଖିବ କଥା
ଏପରି ବିଭ୍ରାଟ ନ ଆସୁ
ଯାହା ଦାରୁଣ ବ୍ୟଥା
ପତି ପତ୍ନୀ ସଙ୍ଗେ ବୁଲିଲେ
ଘର ସଂସାର ସୁଖ
ବୁଲିଲେକି ପତ୍ନୀ ରହିତ
ଘରେ ବହିବ ଦୁଃଖ
ଏହି ବାର୍ତ୍ତା ବହେ ଯୁଗରୁ
କାଳ କାଳକୁ ସାକ୍ଷୀ
ଭାଇ ଭଗ୍ନୀ ଥିଲେ ପାଖରେ
ହୁଏ ଉପେକ୍ଷା ଦେଖି
ପ୍ରଶାନ୍ତ କୁମାର ହୋତା
